- વિરાટ-અનુષ્કાએ લગ્નની પાંચમી વર્ષગાંઠ ઉજવી
- વિરાટે રોમેન્ટિક તસવીર શેર કરી, ચાહકોએ શુભેચ્છા પાઠવી
- 11 ડિસેમ્બર 2017ના રોજ ઇટાલીમાં વિરાટ-અનુષ્કાએ લગ્ન કર્યા હતા
વિરાટ કોહલી અને અનુષ્કા શર્મા 11 ડિસેમ્બર 2017ના રોજ ઇટાલીમાં લગ્નના બંધનમાં બંધાયા હતા. આ યુગલને એક થયાને 5 વર્ષ થઈ ગયા છે.
વિરાટ-અનુષ્કાની પાંચમી વેડિંગ એનિવર્સરી
વિરાટ કોહલી અને અનુષ્કા શર્માના લગ્નને આજે 5 વર્ષ થઈ ગયા છે. બંને 11 ડિસેમ્બર 2017ના રોજ ઈટાલીમાં એક થયા હતા. કોહલી અને અનુષ્કા વચ્ચેનું બોન્ડિંગ સમયની સાથે મજબૂત થઈ રહ્યું છે.
રોમેન્ટિક તસવીર શેર કરી
ભારતીય ક્રિકેટર કોહલીએ 5મી વેડિંગ એનિવર્સરી પર અનુષ્કા સાથે પોતાની એક સુંદર રોમેન્ટિક તસવીર શેર કરી હતી, જેને ચાહકો બંનેની સૌથી રોમેન્ટિક તસવીર કહી રહ્યા છે. કોહલીએ ફોટો શેર કરીને લખ્યું કે 5 વર્ષ અનંતકાળની સફર પર. હું તમને મેળવીને ખૂબ જ ધન્ય છું. હું તમને મારા હૃદયથી પ્રેમ કરું છું. કોહલીની આ પોસ્ટ પર અનુષ્કાએ પણ મજેદાર રીતે પોતાનો પ્રેમ વ્યક્ત કર્યો હતો.
ચાહકોએ શુભેચ્છા પાઠવી
તસવીર જોઈને યુઝર્સનું કહેવું છે કે કોહલી અને અનુષ્કા ફોટોમાં નવા કપલ જેવા લાગી રહ્યા છે. કોહલીએ આ તસવીર સાથે તેમના સંબંધોને ફરીથી જીવંત કર્યા.
