રામ મંદિર પ્રાણ-પ્રતિષ્ઠા પર ક્રિકેટરોએ આપી પ્રતિક્રિયા, જાણો કોણે શું કહ્યું?

• અયોધ્યામાં રામ મંદિર પ્રાણ પ્રતિષ્ઠાનું આયોજન કરાયું
  
• ક્રિકેટરો સોશિયલ મીડિયા પોસ્ટ કરી વિચારો વ્યક્ત કર્યા
• ભારતીય ક્રિકેટર વીરેન્દ્ર સેહવાગે ભાવુક પોસ્ટ કરી

અયોધ્યામાં રામ મંદિર પ્રાણ પ્રતિષ્ઠાનું આયોજન કરવામાં આવી રહ્યું છે. સાથે જ આ પ્રાણ પ્રતિષ્ઠામાં જાણીતા ક્રિકેટરો આવ્યા છે. સચિન તેંડુલકર ઉપરાંત રવિન્દ્ર જાડેજા, અનિલ કુંબલે, મિતાલી રાજ અને વેંકટેશ પ્રસાદ જેવા ક્રિકેટર અયોધ્યા પહોંચી ગયા છે. તેમજ વિરેન્દ્ર સેહવાગ અને હરભજન સિંહ સહિત ઘણા ક્રિકેટરો સોશિયલ મીડિયા પોસ્ટ પર પોતાના વિચારો વ્યક્ત કરી રહ્યા છે.

ટીમ ઈન્ડિયાના પૂર્વ ઓપનર વીરેન્દ્ર સેહવાગે પોતાની પોસ્ટમાં લખ્યું છે-

હું લાગણીશીલ અને ખુશ છું

હું સીમિત છું, હું શરણે છું

હું સંતુષ્ટ છું, હું અવાચક છું

હું માત્ર રામમય છું.

સિયાવર રામચંદ્રજીની જય.

રામ લલ્લા આવ્યા છે. આ શક્ય બનાવનાર અને બલિદાન આપનાર તમામનો આભાર.

જય શ્રી રામ.

ભૂતપૂર્વ ભારતીય ઓફ સ્પિનર ​​હરભજન સિંહે લખ્યું-

આજનો દિવસ એક ઐતિહાસિક દિવસ છે, કારણ કે આપણા પરમ પૂજ્ય ભગવાન શ્રી રામ લાલા તેમના જન્મસ્થળ પર આવી રહ્યા છે, 22 જાન્યુઆરી, 2024 એ ભારતના ઇતિહાસમાં એક ગૌરવપૂર્ણ ક્ષણ તરીકે હંમેશા યાદ કરવામાં આવશે. હું ભગવાન રામને પ્રાર્થના કરું છું કે તે માનવતાને શાંતિ, પ્રગતિ અને સમૃદ્ધિ આપે.

ટીમ ઈન્ડિયાના પૂર્વ ફાસ્ટ બોલર વેંકટેશ પ્રસાદે લખ્યું-

એક નારો એક જ નામ

જય શ્રી રામ જય શ્રી રામ

અયોધ્યાપતિ શ્રી રામચંદ્રજીની જય

અનિલ કુંબલેએ સોશિયલ મીડિયા પર એક સેલ્ફી શેર કરી છે. આ ફોટામાં અનિલ કુબાલે તેની પત્ની સાથે જોવા મળી રહ્યો છે. તેણે લખ્યું છે- આ દિવ્ય પ્રસંગનો ભાગ બનીને હું અત્યંત ખુશ અને ધન્ય છું.

ભારતીય મહિલા ટીમની પૂર્વ કેપ્ટન મિતાલી રાજે સોશિયલ મીડિયા પર ફોટો શેર કર્યો છે. આ ફોટોમાં ભારતીય બેડમિન્ટન સ્ટાર સાયના નેહવાલ મિતાલી રાજ સાથે જોવા મળી રહી છે. તેણે પોતાની પોસ્ટમાં લખ્યું છે - હું અયોધ્યાના દિવ્ય વાતાવરણમાં ડૂબી ગઈ છું. આ ભવ્ય પ્રસંગનો ભાગ બનવું એ આનંદની વાત છે. યુગો-યુગો માટે યાદ રાખવા જેવો દિવસ!