ભારતીય બેડમિન્ટન સ્ટાર ખેલાડી અને બે વખતની ઓલિમ્પિક મેડલ વિજેતા પીવી સિંધુ ટૂંક સમયમાં લગ્ન કરવા જઈ રહી છે. તાજેતરમાં, સિંધુએ સૈયદ મોદી ઇન્ટરનેશનલ બેડમિન્ટન ટૂર્નામેન્ટમાં જીત સાથે તેના લાંબા સમયથી ચાલી રહેલા ખિતાબના દુકાળનો અંત લાવ્યો હતો. આ ટૂર્નામેન્ટની ફાઇનલમાં સિંધુએ વિશ્વની 119 નંબરની ખેલાડી ચીનની વુ લુઓ યુને 21-14, 21-16થી હરાવીને ટૂર્નામેન્ટમાં ત્રીજી વખત મહિલા સિંગલ્સનો ખિતાબ જીત્યો હતો. સિંધુના પિતાએ તેના લગ્ન વિશે માહિતી આપી છે. સિંધુ વેંકટ દત્તા સાથે લગ્ન કરવા જઈ રહી છે.
કોણ છે વેંકટ દત્તા સાઈ?
હૈદરાબાદના રહેવાસી વેંકટ દત્તા સાઈ એક બિઝનેસમેન છે. વેંકટ પોસિડેક્સ ટેક્નોલોજીસમાં એક્ઝિક્યુટિવ ડિરેક્ટરનું પદ ધરાવે છે. આ કંપની ભારતમાં ડેટા મેનેજમેન્ટનું કામ કરે છે. હવે ટૂંક સમયમાં સિંધુ અને વેંકટ લગ્ન કરવા જઈ રહ્યા છે. બંનેના લગ્નની તારીખ પણ નક્કી થઈ ગઈ છે.
https://twitter.com/TheKhelIndia/status/1863614050158174240
સિંધુના પિતાએ આપી જાણકારી
પીવી સિંધુના લગ્ન વિશે માહિતી આપતા તેના પિતા પીવી રમનાએ કહ્યું, “બંને પરિવાર એકબીજાને ઓળખતા હતા, પરંતુ એક મહિના પહેલા જ બધું નક્કી થઈ ગયું હતું. આ એકમાત્ર સંભવિત સમય હતો, કારણ કે જાન્યુઆરીથી તેનું શેડ્યૂલ ખૂબ જ વ્યસ્ત થઈ જશે. તેથી બંને પરિવારોએ 22 ડિસેમ્બરે લગ્ન સમારોહનું આયોજન કરવાનું નક્કી કર્યું. રિસેપ્શન 24 ડિસેમ્બરે હૈદરાબાદમાં યોજાશે. તે આ પછી તરત જ તેની તાલીમ શરૂ કરશે.
https://twitter.com/VChandramouli6/status/1863702466258407796
લગ્ન પછી પણ રમવાનું ચાલુ રાખશે
સૈયદ મોદી ઈન્ટરનેશનલ બેડમિન્ટન ટૂર્નામેન્ટ જીત્યા બાદ પીવી સિંધુએ કહ્યું કે તે લોસ એન્જલસમાં 2028 ઓલિમ્પિક ગેમ્સની તૈયારી માટે આગામી કેટલાક વર્ષો સુધી આ રમત રમવાનું ચાલુ રાખશે. 29 વર્ષની ઉંમરે રમવું ઘણી રીતે ફાયદાકારક છે કારણ કે મારી પાસે ઘણો અનુભવ છે.
