'લોકો ઈચ્છે છે કે હું...' રિયાન પરાગે ટ્રોલર્સ અંગે કહી મોટી વાત

• રાજસ્થાન રોયલ્સે દિલ્હી કેપિટલ્સને 12 રને હરાવ્યું
  
• રિયાન પરાગે રાજસ્થાન માટે શાનદાર પ્રદર્શન કર્યું
• દિલ્હી સામે 45 બોલમાં 84 રનની અણનમ ઈનિંગ રમી

રાજસ્થાન રોયલ્સે દિલ્હી કેપિટલ્સને 12 રને હરાવ્યું. આ મેચમાં રિયાન પરાગે રાજસ્થાન રોયલ્સ માટે શાનદાર ઇનિંગ રમી હતી અને રાજસ્થાનની ટીમને પોતાના દમ પર જીત અપાવી હતી. તે ટીમ માટે સૌથી મોટા મેચ વિનર તરીકે ઉભરી આવ્યો હતો. તેના શાનદાર પ્રદર્શન માટે તેને પ્લેયર ઓફ ધ મેચનો એવોર્ડ આપવામાં આવ્યો હતો. તેણે 84 રનની ઇનિંગ રમી હતી.

આ સવાલ રિયાગ પરાગના પિતાએ કર્યો

IPL 2024માં રાજસ્થાન રોયલ્સે તેની પ્રથમ મેચ લખનૌ સુપર જાયન્ટ્સ સામે રમી હતી. પરંતુ આ મેચ પહેલા જ રિયાન પરાગના પિતા પરાગ દાસે તેમના પુત્રને ફોન કરીને પૂછ્યું હતું કે, શું તમે જાણો છો કે તેઓ તમને કેમ ટ્રોલ કરે છે? રિયાને જવાબ આપતા કહ્યું કે, પપ્પા, લોકોની અપેક્ષાઓ છે અને લોકો ઈચ્છે છે કે હું સફળ થાઉ. જે દિવસે હું સતત રન બનાવીશ. તે દિવસે આ ટ્રોલ્સ મારા નામે ગીત ગાશે. તે દિવસે, રિયાન પરાગના પિતાને લાગ્યું કે આ વર્ષની IPLમાં તેમના પુત્ર માટે ઘણું બધું બદલાશે.

દિલ્હીસામે શાનદાર ઇનિંગ રમી

પ્રથમ મેચમાં રિયાન પરાગે લખનૌ સામે 29 બોલમાં 43 રન બનાવ્યા હતા. પરંતુ દિલ્હી કેપિટલ્સ સામે રિયાગનું અલગ સ્વરૂપ જોવા મળ્યું હતું. તેણે 45 બોલમાં અણનમ રહીને 84 રન બનાવ્યા હતા. તે સમયે તેનો દાવ આવ્યો હતો. જ્યારે રાજસ્થાન રોયલ્સે ત્રણ મહત્વની વિકેટ ગુમાવી દીધી હતી. આ સિઝનમાં તે શાનદાર ફોર્મમાં જોવા મળી રહ્યો છે.

રાજસ્થાન રોયલ્સે મોટી રકમ ચૂકવી હતી

રિયાન પરાગ હજુ માત્ર 22 વર્ષનો છે. તે હજુ સુધી ભારતીય ટીમ માટે રમ્યો નથી. પરંતુ તે 2019થી IPLમાં રમી રહ્યો છે. તેણે IPL 2020 અને IPL 2021માં પોતાના બેટથી વધારે રન બનાવ્યા ન હતા. પરંતુ તેમ છતાં IPL 2022ની મેગા ઓક્શનમાં રાજસ્થાન રોયલ્સ ટીમે તેને 3.80 કરોડ રૂપિયામાં ખરીદ્યો હતો. રિયાગ મોટી હિટ ફટકારી શકે છે. છેલ્લા કેટલાક સમયથી તે સ્થાનિક ક્રિકેટમાં સારું પ્રદર્શન કરી રહ્યો છે. પ્રદર્શન કરી રહ્યો છે.