- અફઘાનિસ્તાનની ટીમનું વર્લ્ડ કપ 2023માં શાનદાર પ્રદર્શન
- વર્લ્ડ કપ 2023ની સેમિફાઇનલમાં પહોંચનારી 3 ટીમોની પસંદગી
- જેમાં ભારત, દક્ષિણ આફ્રિકા અને ઓસ્ટ્રેલિયાના નામ સામેલ
અફઘાનિસ્તાનની ટીમ વર્લ્ડ કપ 2023માં શાનદાર પ્રદર્શન કરી રહી છે. ટૂર્નામેન્ટની 39મી મેચ 7 ઓક્ટોબરે વાનખેડે સ્ટેડિયમમાં અફઘાનિસ્તાન અને ઓસ્ટ્રેલિયા વચ્ચે રમાઈ હતી. જો ગ્લેન મેક્સવેલે ઐતિહાસિક ઇનિંગ ન રમી હોત તો અફઘાન ટીમ આ મેચ લગભગ જીતી ચૂકી હતી. અફઘાનિસ્તાન ટીમને ભલે છેલ્લી મેચમાં હારનો સામનો કરવો પડ્યો હોય પરંતુ તેના સાહસિક પ્રદર્શનના દરેક લોકો દિવાના બની ગયા છે.
ઓસ્ટ્રેલિયા સામેની હાર છતાં અફઘાનિસ્તાન સેમીફાઈનલમાં પહોંચી શકશે?
વર્લ્ડ કપ 2023ની સેમિફાઇનલમાં પહોંચનારી ત્રણ ટીમોની પસંદગી કરવામાં આવી છે. જેમાં ભારત, દક્ષિણ આફ્રિકા અને ઓસ્ટ્રેલિયાના નામ સામેલ છે. ચોથી ટીમ કોણ હશે તે અંગે દ્વિધા છે. જેમાં ન્યૂઝીલેન્ડ, પાકિસ્તાન અને અફઘાનિસ્તાનનું નામ સામેલ છે. કિવી ટીમ રેસમાં આગળ છે. તેના પોઈન્ટ ટેબલમાં 8 પોઈન્ટ છે અને તે પ્લસ પોઈન્ટ્સમાં છે. તે પછી ન્યુઝીલેન્ડ અને અફઘાનિસ્તાનનું નામ આવે છે.
હવે વાત કરીએ ઓસ્ટ્રેલિયા સામેની હાર છતાં અફઘાનિસ્તાનની ટીમ કેવી રીતે સેમીફાઈનલમાં પહોંચી શકે છે તો તેના સમીકરણો એવા બની રહ્યા છે કે ન્યુઝીલેન્ડ તેની આગામી મેચમાં શ્રીલંકા સામે હારી જાય. તે જ સમયે, પાકિસ્તાનની ટીમને તેની આગામી મેચમાં ઇંગ્લેન્ડ સામે પણ હારવું પડશે. આ તમામ સંજોગો બાદ જો અફઘાનિસ્તાનની ટીમ તેની આગામી મેચ સાઉથ આફ્રિકા સામે જીતે છે તો તેને 10 પોઈન્ટ મળશે અને તે સેમીફાઈનલ માટે ક્વોલિફાઈ થઈ જશે.
