- મહિલા ક્રિકેટમાં ભારત અને બાંગ્લાદેશ વચ્ચે T20 શ્રેણી શરુ
- પહેલી મેચ રવિવારે ઢાકાના શેરે બાંગ્લા સ્ટેડિયમમાં રમાઈ રહી છે
- પ્રથમ મેચની પ્લેઈંગ ઈલેવનમાં બે નવા ખેલાડીઓને સ્થાન અપાયું
મહિલા ક્રિકેટમાં ભારત અને બાંગ્લાદેશ વચ્ચે T20 શ્રેણી રમાઈ રહી છે. મહિલા ક્રિકેટમાં, ભારતે બાંગ્લાદેશ સામે ટોસ જીતીને પ્રથમ બોલિંગ કરવાનો નિર્ણય કર્યો. ટીમ ઈન્ડિયાએ પ્લેઈંગ ઈલેવનમાં બે નવા ખેલાડીઓને સ્થાન આપ્યું છે. જુઓ પ્લેઈંગ ઈલેવન
મહિલા ક્રિકેટમાં ભારત અને બાંગ્લાદેશ વચ્ચે T20 શ્રેણી રમાશે. પહેલી મેચ રવિવારે ઢાકાના શેરે બાંગ્લા સ્ટેડિયમમાં રમાવાની છે. આ માટે હરમનપ્રીત કૌરની કપ્તાનીવાળી ભારતીય ટીમે ટોસ જીતીને પ્રથમ બોલિંગ કરવાનો નિર્ણય કર્યો હતો. ટીમ ઈન્ડિયાએ આ મેચની પ્લેઈંગ ઈલેવનમાં બે નવા ખેલાડીઓને જગ્યા આપી છે. મિન્નુ મણિ અને અનુષા બારેડી T20 ઈન્ટરનેશનલ ડેબ્યૂ કરશે.
પ્લેઈંગ ઈલેવનમાં બે નવા ખેલાડીઓને સ્થાન
ભારત અને બાંગ્લાદેશ વચ્ચે ત્રણ મેચની ટી-20 સિરીઝ રમાવાની છે. ભારતે સીરિઝની પ્રથમ મેચની પ્લેઈંગ ઈલેવનમાં બે નવા ખેલાડીઓને સ્થાન આપ્યું છે. મિનુ મણિ અને અનુષાને પ્લેઈંગ ઈલેવનમાં સામેલ કરવામાં આવ્યા છે. આ બંનેએ ડોમેસ્ટિક મેચોમાં સારો દેખાવ કર્યો છે. અનુષા આંધ્ર પ્રદેશ માટે રમે છે. જ્યારે મિન્નુ કેરળ તરફથી રમે છે. મિન્નુ દિલ્હી કેપિટલ્સ તરફથી પણ રમી ચુકી છે.
ભારતે અનુભવી ખેલાડીઓ સ્મૃતિ મંધાના અને જેમિમા રોડ્રિગ્સને પ્લેઈંગ ઈલેવનમાં સ્થાન આપ્યું છે. હરલીન દેઓલ, શેફાલી વર્મા અને યાસ્તિકા ભાટિયા પણ પ્રથમ મેચ માટે મેદાનમાં ઉતરશે. બીજી તરફ બાંગ્લાદેશે સલમા ખાતૂન, નાહિદા અખ્તર અને રિતુ મોની જેવી ખેલાડીઓને પ્લેઈંગ ઈલેવનમાં રાખી છે. બાંગ્લાદેશે પણ એક ખેલાડીને ડેબ્યૂ કરવાની તક આપી છે.
ભારતની પ્લેઈંગ ઈલેવન: શફાલી વર્મા, સ્મૃતિ મંધાના, જેમિમાહ રોડ્રિગ્સ, હરલીન દેઓલ, હરમનપ્રીત કૌર (સી), યાસ્તિકા ભાટિયા (વિકેટમેન), દીપ્તિ શર્મા, પૂજા વસ્ત્રાકર, અમનજોત કૌર, અનુષા બારેડી, મિનુ મણિ
બાંગ્લાદેશ પ્લેઈંગ ઈલેવન: નિગાર સુલતાના (wk/c), સલમા ખાતૂન, શમીમા સુલતાના, નાહિદા અખ્તર, રિતુ મોની, શોર્ના અખ્તર, મારુફા અખ્તર, શોભના મોસ્ટોરી, શાથી રાની, સુલતાના ખાતૂન, રાબેયા ખાન
