ICC મહિલા T20 વર્લ્ડ કપ 2024ની ફાઇનલમાં સાઉથ આફ્રિકાનો મુકાબલો ન્યૂઝીલેન્ડ સામે છે. આ મેચ દુબઈના મેદાન પર રમાઈ રહી છે. આ મેચમાં દક્ષિણ આફ્રિકાએ ટોસ જીતીને પ્રથમ બોલિંગ કરવાનો નિર્ણય લીધો હતો. આ મેચમાં ન્યૂઝીલેન્ડ ટીમની અનુભવી ખેલાડી સુઝી બેટ્સે ઈતિહાસ રચ્યો છે. તેણે ટીમ ઈન્ડિયાની પૂર્વ કેપ્ટન મિતાલી રાજને પાછળ છોડી દીધી છે. તે હવે મહિલા આંતરરાષ્ટ્રીય ક્રિકેટમાં સૌથી વધુ મેચ રમનાર ખેલાડી બની ગઈ છે.


મિતાલી રાજનો વર્લ્ડ રેકોર્ડ તોડ્યો

સુઝી બેટ્સ ICC મહિલા T20 વર્લ્ડ કપ 2024ની ફાઇનલમાં સૌથી વધુ આંતરરાષ્ટ્રીય મેચ રમનાર ખેલાડી બની ગઈ છે. તેણે પોતાની કારકિર્દીમાં કુલ 334 મેચ રમી છે. તેણે ODI મેચોમાં 163 મેચ રમી છે જ્યારે T20 ઈન્ટરનેશનલમાં તેણે 171 મેચ રમી છે. જો મિતાલી રાજની વાત કરીએ તો તેણે મહિલા આંતરરાષ્ટ્રીય ક્રિકેટમાં કુલ 333 મેચોમાં ભાગ લીધો છે. તેની કારકિર્દીમાં તેણે 12 ટેસ્ટ, 232 વનડે અને 89 ટી20 મેચ રમી છે. સુઝી બેટ્સે પોતાની ODI કરિયરમાં 5718 રન બનાવ્યા છે. આ સિવાય તેણે T20માં 4552 રન બનાવ્યા છે. તેણે વનડેમાં 78 અને ટી20માં 59 વિકેટ પણ લીધી છે.

Also Read


મહિલા ક્રિકેટમાં સૌથી વધુ આંતરરાષ્ટ્રીય મેચ રમનાર ખેલાડી

  • સુઝી બેટ્સ- 334
  • મિતાલી રાજ- 333
  • એલિસ પેરી- 322
  • હરમનપ્રીત કૌર- 316
  • ચાર્લોટ એડવર્ડ્સ- 309

મહિલા વર્લ્ડકપની ફાઈનલ

મહિલા ટી20 વર્લ્ડ કપ 2024ની ફાઇનલમાં ન્યુઝીલેન્ડ અને દક્ષિણ આફ્રિકાની ટીમો આમને-સામને છે. દુબઈના દુબઈ ઈન્ટરનેશનલ ક્રિકેટ સ્ટેડિયમમાં રમાઈ રહેલી મેચમાં દક્ષિણ આફ્રિકાએ ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરવા આવેલી ન્યૂઝીલેન્ડે 20 ઓવરમાં 158/5 રન બનાવ્યા હતા. આ દરમિયાન અમેલિયા કેરે ટીમ માટે સૌથી મોટી ઇનિંગ રમી અને 38 બોલમાં 4 ફોરની મદદથી 43 રન બનાવ્યા. જ્યારે આફ્રિકા તરફથી નોનકુલુલેકો મ્લાબાએ સૌથી વધુ 2 વિકેટ ઝડપી હતી.

સાઉથ આફ્રિકાની પ્લેઈંગ 11

લૌરા વોલ્વાર્ડ (c), તાજમીન બ્રિટ્સ, એનેકે બોશ, ક્લો ટ્રાયોન, મેરિજેને કાપ, સુને લુસ, નાદીન ડી ક્લાર્ક, એનેરી ડેર્કસેન, સિનાલો જાફ્તા (wk), નોનકુલુલેકો મ્લાબા, આયાબોંગા ખાકા.

ન્યુઝીલેન્ડની પ્લેઈંગ 11

સુઝી બેટ્સ, જ્યોર્જિયા પ્લિમર, એમેલિયા કેર, સોફી ડિવાઇન (c), બ્રુક હોલિડે, મેડી ગ્રીન, ઇસાબેલા ગેજ (wk), રોઝમેરી મેયર, લી તાહુહુ, એડન કાર્સન, ફ્રેન જોનાસ.


  • Follow us on: