ભારત અને ન્યુઝીલેન્ડ વચ્ચે મેચ, આ 3 ફેકટર ટીમ ઈન્ડિયાને અપાવશે જીત

મહિલા T20 વર્લ્ડકપ 2024માં ભારતની પ્રથમ મેચ ન્યૂઝીલેન્ડ સામે છે. આ મેચ શુક્રવારે સાંજે દુબઈમાં રમાશે. ન્યુઝીલેન્ડ સામે ભારતનો T20 રેકોર્ડ અત્યાર સુધી સારો રહ્યો નથી. ટીમ ઈન્ડિયાએ અત્યાર સુધી ન્યૂઝીલેન્ડ સામે માત્ર એક જ T20 મેચ જીતી છે. જ્યારે તેને ચાર મેચમાં હારનો સામનો કરવો પડ્યો છે. જોકે આ વખતે પરિણામ બદલાઈ શકે છે. આ ત્રણ ફેક્ટર છે જે ભારતને જીતવામાં મદદ કરી શકે છે.

ભારતની મજબૂત બેટિંગ લાઈન અપ

જો આપણે હેડ ટુ હેડ રેકોર્ડની વાત કરીએ તો ભારત ન્યૂઝીલેન્ડ સામે પાંચમાંથી ચાર મેચ હારી ગયું છે. એક મેચમાં જીત નોંધાવી છે. ન્યુઝીલેન્ડની ટીમ આ વખતે પણ મજબૂત સ્થિતિમાં છે. પરંતુ દુબઈમાં ભારતનો હાથ ઉપર હોઈ શકે છે. ટીમ ઈન્ડિયાની બેટિંગ લાઈનઅપ તેની જીતનું મોટું પરિબળ બની શકે છે. જો શેફાલી વર્મા અને સ્મૃતિ મંધાના ભારતને સારી શરૂઆત આપે છે તો તેમના માટે જીત આસાન બની શકે છે. આ બે પછી હરમનપ્રીત અને દીપ્તિ શર્મા ઇનિંગ્સને સંભાળી શકે છે.

ટીમ ઈન્ડિયાનું ઘાતક બોલિંગ આક્રમણ

ભારતનું બોલિંગ યુનિટ ઘણું મજબૂત છે. રેણુકા સિંહ, રાધા યાદવ અને અરુંધતી રેડ્ડી કમાલ કરી શકે છે. રેણુકાએ ઘણા પ્રસંગોએ શાનદાર પ્રદર્શન કર્યું છે. જો ટીમ ઈન્ડિયા ન્યૂઝીલેન્ડના ખેલાડીઓને ટકી રહેવા નહીં દે તો મેચ તેમના હાથમાં આવી શકે છે. ઓલરાઉન્ડર દીપ્તિ અને શ્રેયંકા પાટીલ પર પણ નજર રહેશે.

સારી ફિલ્ડિંગ મેચની દિશા બદલી શકે

ટીમ ઈન્ડિયાએ ન્યુઝીલેન્ડ સામે પણ ફિલ્ડીંગ પર ધ્યાન આપવું પડશે. જો કોઈ ખેલાડીનો કેચ છૂટી જાય છે તો તેના માટે મુશ્કેલી વધી શકે છે. ટીમ ઈન્ડિયાની કેપ્ટન હરમનપ્રીતની રણનીતિ પણ તેમને જીત અપાવવામાં મદદ કરી શકે છે. કયા બોલરનો ઉપયોગ ક્યારે અને કયા સંજોગોમાં કરવો તે નક્કી કરવું ખૂબ જ જરૂરી છે. હરમનપ્રીત આ બાબતમાં નિષ્ણાત છે. તેની કેપ્ટન્સી ભારતની જીતનું મહત્વનું પરિબળ બની શકે છે.