- WPL 2024ની ફાઈનલ દિલ્હી અને બેંગ્લોર વચ્ચે રમાશે
- દિલ્હીના અરુણ જેટલી ક્રિકેટ સ્ટેડિયમમાં રમાશે મેચ
- વર્તમાન સિઝનમાં બંને ટીમોએ શાનદાર પ્રદર્શન કર્યું
WPL 2024ની ફાઇનલમાં સ્મૃતિ મંધાનાની આગેવાની હેઠળની RCB અને મેગ લેનિંગની આગેવાની હેઠળની દિલ્હી કેપિટલ્સ વચ્ચે ટક્કર થશે. આ મેચ દિલ્હીના અરુણ જેટલી સ્ટેડિયમમાં રમાશે. વર્તમાન સિઝનમાં બંને ટીમોએ શાનદાર પ્રદર્શન કર્યું છે. દિલ્હી કેપિટલ્સે સીધી ફાઇનલમાં જગ્યા બનાવી લીધી છે. જ્યારે RCBની ટીમે એલિમિનેટરમાં મુંબઈ ઈન્ડિયન્સને 5 રનથી હરાવીને ફાઇનલમાં પ્રવેશ મેળવી લીધો છે. ચાલો જાણીએ કે ફાઈનલ મેચમાં બંને ટીમોની પ્લેઈંગ 11 કેવી રહી શકે છે.
ભારતીય ખેલાડીઓએ તાકાત બતાવી
WPL 2024માં દિલ્હી કેપિટલ્સ માટે બેટ્સમેનો સારું રમ્યા છે. કેપ્ટન મેગ લેનિંગે 8 મેચમાં 305 રન, શેફાલી વર્માએ 8 મેચમાં 265 રન અને જેમિમાહ રોડ્રિગ્ઝે 235 રન બનાવ્યા છે. જેમિમા લીગની શરૂઆતમાં સારા ફોર્મમાં નહોતી. પરંતુ તે પછી તે ફોર્મમાં પાછી ફરી અને ઘણી શાનદાર ઇનિંગ્સ રમી હતી. તેણે તેની છેલ્લી ચાર ઇનિંગ્સમાં 38, 58, 17 અને 69 રન બનાવ્યા છે. દિલ્હી તરફથી બોલિંગમાં અરુંધતી રેડ્ડી અને રાધા યાદવે શાનદાર પ્રદર્શન કર્યું છે. વર્તમાન સિઝનમાં રાધા યાદવે 10 વિકેટ પોતાના નામે કરી છે.
એલિસ પેરીએ સૌથી વધુ રન બનાવ્યા હતા
આશા શોભનાએ WPL 2024માં RCB ટીમ માટે સારી બોલિંગ કરી છે. તેણે વર્તમાન સિઝનમાં 10 વિકેટ પોતાના નામે કરી છે. તેણે યુપી વોરિયર્સ સામેની શરૂઆતની મેચની છેલ્લી ઓવરમાં 10 રનનો બચાવ કર્યો હતો. આ પછી તેણે એલિમિનેટર મેચમાં પણ મુંબઈ ઈન્ડિયન્સ સામે 11 રનનો બચાવ કર્યો હતો. કેપ્ટન સ્મૃતિ મંધાનાને તેના પર વિશ્વાસ છે. ટીમની સ્ટાર બેટ્સમેન એલિસ પેરી WPL 2024માં સૌથી વધુ રન બનાવનાર બેટ્સમેન છે. તેણે વર્તમાન સિઝનની 8 મેચમાં 308 રન બનાવ્યા છે.
બંને ટીમોની સંભવિત-11
દિલ્હી: મેગ લેનિંગ (કેપ્ટન), શેફાલી વર્મા, એલિસ કેપ્સી, જેમિમાહ રોડ્રિગ્ઝ, મારિઝાન કેપ, જેસ જોનાસેન, રાધા યાદવ, અરુંધતિ રેડ્ડી, તાનિયા ભાટિયા (વિકેટકીપર), શિખા પાંડે, મિનુ મણિ.
બેંગ્લોર: સ્મૃતિ મંધાના (કેપ્ટન), સોફી ડેવાઇન, એસ મેઘના/દિશા કેસેટ, એલિસ પેરી, રિચા ઘોષ (વિકેટકીપર), સોફી મોલિનેક્સ, જ્યોર્જિયા વેરહેમ, શ્રેયંકા પાટિલ, આશા શોભના, શ્રદ્ધા પોખરકર, રેણુકા ઠાકુર.
