- એક ચાહકે ધોનીની સલાહને સંપૂર્ણપણે નકારી કાઢી
- એમએસ ધોની પાકિસ્તાની ફૂડનો ચાહક
- મને ભોજન ગમે છે, પણ હું ત્યાં જઈશ નહી
આંતરરાષ્ટ્રીય ક્રિકેટમાંથી નિવૃત્તિ લીધા પછી પણ મહેન્દ્ર સિંહ ધોનીની ફેન ફોલોઈંગ ઓછી નથી થઈ રહી, બલ્કે દિવસેને દિવસે વધી રહી છે. કેપ્ટન કૂલ આજે પણ કરોડો ક્રિકેટ ચાહકોના દિલો પર રાજ કરે છે, ધોની નિઃશંકપણે ક્રિકેટના સર્વશ્રેષ્ઠ કેપ્ટનોમાંનો એક છે અને તેથી જ ધોનીના સમગ્ર વિશ્વમાં ચાહકો છે. જો કે, એમએસ ધોનીને ભારે આશ્ચર્ય થયું જ્યારે એક ચાહકે તેની સલાહને સંપૂર્ણપણે નકારી કાઢી. બંને વચ્ચેની આ વાતચીત હાલ સોશિયલ મીડિયા પર વાયરલ થઈ છે.
ધોનીએ પાકિસ્તાનના ફૂડના કર્યા વખાણ
દેખીતી રીતે એમએસ ધોની પાકિસ્તાની ફૂડનો ચાહક છે. તેની ક્રિકેટ પ્રતિબદ્ધતાઓને કારણે ઘણી વખત પાકિસ્તાનની મુલાકાત લીધા પછી, ધોનીએ પાકિસ્તાની ફૂડનો સ્વાદ ચાખ્યો તે આશ્ચર્યજનક નથી. જોકે, તેનો પાકિસ્તાની ફૂડ પ્રત્યેનો પ્રેમ તાજેતરના એક વીડિયોમાં સ્પષ્ટ જોવા મળ્યો હતો.
ધોનીએ આપી સલાહ
વીડિયોમાં એમએસ ધોની એક ફેનને પાકિસ્તાન જઈને ખાવાનું ખાવાની સલાહ આપતા જોવા મળે છે. જોકે, ફેન્સે ધોનીને પાકિસ્તાન જવાની સલાહ નકારીને ચોંકાવી દીધી હતી. વીડિયોમાં ધોની એક પ્રશંસકને કહેતો જોવા મળી રહ્યો છે કે, 'તમારે એકવાર પાકિસ્તાન જઈને જમવું જોઈએ.'
‘મને ફૂડ ગમે છે પણ જઇશ નહીં’
જોકે, ફેન ધોનીની સલાહને અનુસરવાના મૂડમાં નહોતો. વીડિયોમાં ફેનને જવાબ આપતા સાંભળી શકાય છે કે, 'તમે સારું ખાવાનું સૂચન કરો તો પણ હું ત્યાં નહીં જઈશ. મને ભોજન ગમે છે, પણ હું ત્યાં જઈશ નહી. વાસ્તવમાં, ભારત અને પાકિસ્તાન પડોશી દેશો છે, પરંતુ તેમ છતાં, બંને દેશો વચ્ચેના સંબંધો શરૂઆતથી જ કડવાશભર્યા રહ્યા છે, અને તેથી તે કદાચ આશ્ચર્યજનક નથી કે ચાહકને પાકિસ્તાનની મુલાકાત લેવાનું સપનું નથી, પછી ભલે તે ખાવા માટે હોય.
