- આજે વિરાટ કોહલીનો 35મો જન્મદિવસ છે
- યુવરાજે સ્પેશિયલ રીતે કિંગ કોહલીને શુભેચ્છા પાઠવી
- યુવીએ વિરાટ કોહલી માટે લાંબી પોસ્ટ કરી
ભારતીય ક્રિકેટ ટીમના દિગ્ગજ ખેલાડી વિરાટ કોહલી પોતાના જન્મદિવસના અવસર પર કોલકાતાના મેદાન પર મેચ રમશે. ભારત અને દક્ષિણ આફ્રિકા વચ્ચે રવિવારે કોલકાતાના ઈડન ગાર્ડનમાં મેચ રમાશે. કોહલી 35 વર્ષનો થઈ ગયા છે. તેમણે પોતાની કારકિર્દી દરમિયાન ઘણી સિદ્ધિઓ હાંસલ કરી છે. કોહલીને એમ જ કિંગ નથી કહેવાતા. આ માટે તેણે વર્ષો સુધી અથાક મહેનત કરી છે. કોહલીના રેકોર્ડ પર નજર કરીએ તો કોઈ પણ ખેલાડી માટે તેને તોડવો આસાન નહીં હોય.
આજે વિરાટ કોહલીનો જન્મદિવસ છે. સોશિયલ મીડિયા પર વિરાટને જન્મદિવસની શુભેચ્છા પાઠવી રહ્યા છે. સામાન્યથી લઈને સ્પેશિયલ સુધી દરેક જણ તેને જન્મદિવસની શુભેચ્છાઓ પોસ્ટ કરી રહ્યા છે. આ યાદીમાં પૂર્વ ક્રિકેટર યુવરાજ સિંહ પણ સામેલ થઈ ગયા છે. તેમણે વિરાટ કોહલી માટે લાંબી પોસ્ટ કરી છે. બર્થડે વિશની સાથે તેણે વિરાટ માટે બીજી ઘણી વાતો પણ લખી છે. આ પોસ્ટ સાથે તેણે કેટલીક તસવીરો પણ શેર કરી છે.
યુવીએ વિરાટ માટે કરી પોસ્ટ
યુવીએ વિરાટ માટે લખ્યું, 'જ્યારે તમે એક યુવા ખેલાડી તરીકે ટીમમાં જોડાયા હતા જે તકો મેળવવા માટે ઉત્સુક હતા અને પ્રદર્શન કરવા માટે ભૂખ્યા હતા, ત્યારે દરેકને સ્પષ્ટ હતું કે તમે એક મહાન ખેલાડી બનશો. તમે માત્ર તમારી છાપ જ નથી બનાવી પરંતુ અસંખ્ય લોકોને તેમના શ્રેષ્ઠ પ્રયાસો કરવા માટે પ્રેરિત કર્યા છે.
યુવી લખે છે, 'જેમ તમે રેકોર્ડ તોડવા અને બનાવવાના બીજા વર્ષની ઉજવણી કરો છો, તમે જે હાંસલ કર્યું છે તેના પર વિચાર કરવા માટે થોડો સમય કાઢો. મને ગર્વ છે કે હું પણ થોડા સમય માટે આ અતુલ્ય પ્રવાસમાં તમારો ભાગીદાર બન્યો અને તમને ધીમે ધીમે મજબૂત અને મોટા થતા જોયા. અંતમાં યુવીએ લખ્યું, 'હું ઈચ્છું છું કે તમારો જુસ્સો અને સંકલ્પ તમને અને ભારતીય ટીમને વર્લ્ડ કપમાં નવી ઊંચાઈઓ પર લઈ જાય અને આપણા દેશને ફરી એકવાર ગર્વ કરાવે. હેપ્પી બર્થ ડે કિંગ કોહલી.
