રાખમાંથી બેઠા થઈને વિશ્વની સૌથી શક્તિશાળી અર્થવ્યવસ્થા બનાવવાનું આખી દુનિયા જાપાન પાસેથી શીખી રહી છે. જાપાન નામ સાથે ઈનોવેશન અને ટેક્નોલોજી જોડાયેલી છે. આ દેશનું નામ આત્મનિર્ભર બનવાની વ્યાખ્યા છે. જાપાન સાથે ભારતનો ઐતિહાસિક અને સાંસ્કૃતિક નાતો વર્ષો પુરાણો છે.

ભારત અને જાપાનની ગણના મિત્ર દેશોમાં થાય છે. કૌશલ્ય, કળા અને કુશળતાના પાઠ શીખવા માટે જાપાન સરકાર ભારતના વિદ્યાર્થીઓને આમંત્રિત કરે છે અને તેજસ્વી, પ્રતિભાશાળીને સ્કોલરશિપ પણ પ્રદાન કરે છે. જાપાનમાં જઈને માસ્ટર અથવા પીએચડી સંબંધિત ડિગ્રીનો અભ્યાસ કરવા ઈચ્છુક ઉમેદવારો માટે આ સ્કોલરશિપ આશીર્વાદ સમાન છે. જાપાનમાં સંશોધનનું કાર્ય કરવા મળવું એ જ કરિયર ડેવલપમેન્ટમાં પાવરફુલ ટ્રેડમાર્ક સ્ટેમ્પ સમાન છે. જાપાન સરકારના મિનિસ્ટ્રી ઓફ એજ્યુકેશન, કલ્ચર, સ્પોર્ટ્સ, સાયન્સ એન્ડ ટેક્નોલોજી દ્વારા આ સ્કોલરશિપ આપવામાં આવે છે. ઈચ્છુક ઉમેદવાર નિયમોને આધીન અરજી કરી શકે છે.

સ્ટડી ઈન જાપાન : જાપાનીઝ ગવર્નમેન્ટ માસ્ટર એન્ડ રિસર્ચ સ્ટુડન્ટ સ્કોલરશિપ