વિજ્ઞાનના ક્ષેત્રમાં કામ કરતા સંશોધકોને પ્રોત્સાહિત કરતી દુનિયાની શ્રેષ્ઠ સંસ્થાઓમાં ધ ઈન્ટરનેશનલ હ્યુમન ફ્રન્ટીયર સાયન્સ પ્રોગ્રામનું નામ પ્રથમ હરોળમાં આવે છે. જોકે, આ સંસ્થાનો ઉદ્ભવ જ દુનિયાના સૌથી શક્તિશાળી દેશો દ્વારા કરવામાં આવ્યો છે. એ વખતે

જી સેવનથી ઓળખતા સમૂહ દ્વારા આ સંસ્થાનું માળખું તૈયાર કરવામાં આવ્યું હતું. હવે તો એમાં એક દેશનો વધારો થતાં જી એઈટ તરીકે આ સમૂહ જાણીતો બનેલો છે. 1987ના વરસમાં એ વખતના જાપાનના પ્રધાનમંત્રી યાસુહિરો નાકાસોને વેનિસ સમિટમાં આ સંસ્થાના નિર્માણનો પ્રસ્તાવ રાખ્યો હતો અને ત્યાર પછી ફ્રાન્સમાં હેડક્વાર્ટર બનાવવામાં આવ્યું છે. વિશ્વભરમાં પથરાયેલી આ સંસ્થા દ્વારા રિસર્ચ ગ્રાન્ટ, પોસ્ટ ડોક્ટરલ ફેલોશિપ અને કરિયર ડેવલપમેન્ટ એવોર્ડ આપવામાં આવે છે. આ સંસ્થા દ્વારા પુરસ્કૃત થયેલા 28 જેટલા સંશોધકોને પાછળથી નોબલ પ્રાઈઝનું સન્માન મળેલું છે. ભારત દેશના ઈચ્છુક સંશોધકો આ સંસ્થા સાથે જોડાવવા ઉત્સુક હોય તો આ ફેલોશિપ તેમના માટે શ્રેષ્ઠ વિકલ્પ છે. ઈચ્છુક ઉમેદવાર નિયમોને આધીન અરજી કરી શકે છે.

ધ ઈન્ટરનેશનલ હ્યુમન ફ્રન્ટીયર સાયન્સ પ્રોગ્રામ: પોસ્ટ ડોક્ટરલ ફેલોશિપ 2026