બિગ બોસ 17'મા મારામારીઃસનીએ અભિષેક કુમારને થપ્પડ મારીને ધક્કો માર્યો

• સની આર્યને ઘરમાં હિંસાને કારણે શોમાંથી બહાર કરાશે
  
  
  
• હાલમાં અરુણ અને અભિષેકકુમાર વચ્ચે ઉગ્ર બોલાચાલી થઈ
• સની આર્યએ અભિષેકના ગાલ પર થપ્પડ મારી અને ધમકી પણ આપી

કોન્ટ્રોવર્સીથી ઘેરાયેલો રિયાલિટી શો 'બિગ બોસ'ની 17મી સિઝનમાં એક પછી એક વિવાદોમાં સપડાઈ રહ્યો છે. વાત એ હદ સુધી વધી ગઈ છે કે શોમાં સ્પર્ધકો મારામારી સુધી પહોંચી ગયા છે. હાલમાં અરુણ અને અભિષેકકુમાર વચ્ચે ઉગ્ર બોલાચાલી થઈ હતી, જેમાં તહેલકા ભાઈ ઉર્ફે સની આર્ય પણ દરમિયાનગીરી કરતા ઝઘડામાં આવી ગયા હતા. થોડા સમય પછી ઝઘડો એટલો વધી ગયો કે સની આર્યએ અભિષેકના ગાલ પર થપ્પડ મારી અને ધમકી પણ આપી દીધી હતી. તો રિપોર્ટ તો એવા પણ મળી રહ્યાં છે કે સની આર્યને ઘરમાં હિંસાને કારણે શોમાંથી બહાર કરવામાં આવશે.

હાલમાં જ કલર્સ ચેનલ દ્વારા શોના આગામી એપિસોડનો પ્રોમો શેર કરવામાં આવ્યો છે. પ્રોમોમાં જોવા મળે છે કે અરુણ મહાશેટ્ટી ઈશા અને સમર્થને લેવા જાય છે, જેના કારણે બંને વચ્ચે ઝઘડો થાય છે. આ જોઈને અભિષેક તેને દિલના ઘરે આવવા અને અરુણ સાથે બરાબર વાત કરવા માટે કહે છે. આ પછી અભિષેક અને અરુણ વચ્ચે દલીલ શરૂ થાય છે.

થોડા સમય પછી જ્યારે અભિષેક ગાર્ડન એરિયામાં જઈને બેસે છે, ત્યારે તહેલકા ઉર્ફે સની આર્ય આવીને તેમના ગાલ પર હળવેથી થપ્પડ મારે છે અને તેને ધમકી આપે છે કે અમારી વચ્ચે બોલશો નહીં. બીજી દલીલમાં સનીએ અભિષેકનું ટી-શર્ટ પકડયું અને તેમની સાથે ઝપાઝપી શરૂ કરી હતી. આ જોઈને આખું ઘર સમજાવવા માટે આવે છે. આ પછી પણ સની અભિષેકને ધક્કો મારે છે. ઘરમાં અન્ય સ્પર્ધકો પર હાથ ઉપાડવા અથવા હિંસાનો ઉપયોગ કરવા પર સંપૂર્ણ પ્રતિબંધ છે અને આ નિયમનો ભંગ કરનારને શોમાંથી બહાર કાઢી શકાય છે. અહેવાલોનું માનવામાં આવે તો સની આર્યને આ અઠવાડિયે ઘરમાંથી કાઢી મૂકવામાં આવશે.