- વીડિયોમાં ભુવન લોકોને ટેનિસમાં કોઈ ખાસ બુકીના આધારે રોકાણ કરવા વિનંતી કરી રહ્યો છે
- ભુવને તેના ફેન્સ અને ફોલોઅર્સને આ ડીપફેક વીડિયો વાઇરલ થવા અંગે એલર્ટ કર્યા છે
- ભુવને કહ્યું 'મારી ટીમે પહેલાંથી જ ઓશિવારા પોલીસ સ્ટેશનમાં ફરિયાદ નોંધાવી છે
કન્ટેન્ટ ક્રિએટર અને એક્ટર ભુવન બામનો એક ડીપફેક વીડિયો સોશિયલ મીડિયા પર વાઇરલ થઈ રહ્યો છે. આ વીડિયોમાં ભુવન લોકોને ટેનિસમાં કોઈ ખાસ બુકીના આધારે રોકાણ કરવા વિનંતી કરી રહ્યો છે.
ભુવને તેના ફેન્સ અને ફોલોઅર્સને આ ડીપફેક વીડિયો વાઇરલ થવા અંગે એલર્ટ કર્યા છે. ભુવન બામની ટીમે તરત જ ડીપફેક વીડિયો પર કાર્યવાહી કરી અને તેને ભ્રામક અને નિંદનીય ગણાવીને મુંબઈના ઓશિવારા પોલીસ સ્ટેશનમાં ઔપચારિક ફરિયાદ નોંધાવી છે. ભુવને કહ્યું 'મારી ટીમે પહેલાંથી જ ઓશિવારા પોલીસ સ્ટેશનમાં ફરિયાદ નોંધાવી છે અને તેઓ મામલાની તપાસ કરી રહ્યા છે.' ભુવન બામે તેના ચાહકો અને અનુયાયીઓને ડીપફેક વીડિયો વિશે ચેતવણી આપી છે. તેણે કહ્યું 'સોશિયલ મીડિયા પર વાઇરલ થઈ રહેલો વીડિયો સંપૂર્ણપણે નકલી અને ભ્રામક છે. જે લોકોને સટ્ટાબાજી કરીને ટેનિસમાં રોકાણ કરવા પ્રોત્સાહિત કરે છે. હું દરેકને નમ્રપણે વિનંતી કરું છું કે આ વીડિયોનો શિકાર ન થશો અને તેમાં રોકાણ કરવાનું ટાળો. જેનાથી મુશ્કેલી અથવા આર્થિક નુકસાન થઈ શકે છે.' જણાવી દઈએ કે ડીપફેક વીડિયો ટેક્નોલોજીનો ઉપયોગ આજકાલ ઝડપથી થઈ રહ્યો છે. અત્યાર સુધી, ટોમ હેન્ક્સ, સ્કારલેટ જોન્સન, અમિતાભ બચ્ચન, શાહરુખ ખાન, સચિન તેંડુલકર, આમિર ખાન, કેટરિના કૈફ્ અને રશ્મિકા મંદાન્ના જેવી ઘણી હોલિવૂડ અને બોલિવૂડ સેલિબ્રિટી ડીપફેક વીડિયોનો શિકાર બની ચૂકી છે.
