- બંગાળી અભિનેતા સાશ્વત ચેટરજી ફ્લ્મિ 'કલ્કિ 2898 એડી'માં કમાન્ડર માનસની ભૂમિકામાં જોવા મળ્યો હતો
- ક્લાઈમેક્સમાં એક સીન છે જેમાં તે દીપિકા પાદુકોણના વાળ પકડીને ઢસડતો જોવા મળે છે.
- મુંબઈમાં શૂટ થઈ રહ્યો હોવાથી તે દિવસે તેના પતિ રણવીરસિંહ પણ સેટ પર હાજર હતા
બંગાળી અભિનેતા સાશ્વત ચેટરજી તાજેતરમાં રિલીઝ થયેલી ફ્લ્મિ 'કલ્કિ 2898 એડી'માં કમાન્ડર માનસની ભૂમિકામાં જોવા મળ્યો હતો.
ફ્લ્મિના ક્લાઈમેક્સમાં એક સીન છે જેમાં તે દીપિકા પાદુકોણના વાળ પકડીને ઢસડતો જોવા મળે છે. સાશ્વતે એક ઈન્ટરવ્યૂમાં આ સીન વિશે વાત કરી હતી. સાશ્વતે જણાવ્યું કે, જ્યારે આ સીન શૂટ થઈ રહ્યો હતો ત્યારે દીપિકા વાસ્તવમાં પ્રેગ્નેન્ટ હતી. આ સીન મુંબઈમાં શૂટ થઈ રહ્યો હોવાથી તે દિવસે તેના પતિ રણવીરસિંહ પણ સેટ પર હાજર હતા. આ દૃશ્ય જોઈને તે ચિંતિત હતો. કારણ કે તેમાં શારીરિક સંઘર્ષ ઘણો હતો. તેથી જ મેં રણવીરને કહ્યું, ચિંતા ન કરો, શારીરિક રીતે પડકારરૂપ દૃશ્યો માટે બોડી ડબલ્સ ઉપલબ્ધ છે' સાશ્વતે આગળ કહ્યું 'રણવીર સેટ પર ઘણી પોઝિટિવ એનર્જી લાવ્યો. તે એક જગ્યાએ શાંતિથી બેસી શકતો ન હતો. જ્યારે મેં તેની સાથે વાત કરી, ત્યારે મને ખબર પડી કે તે મેં વિચાર્યું તેના કરતાં વધુ નમ્ર છે.'
