Bollywood: રણવીર-દીપિકા લંડનમાં બેબીમૂન સેલિબ્રેટ કરતા જોવા મળ્યા

• પ્રેગ્નન્ટ એક્ટ્રેસની સુરક્ષા માટે ત્રણ બોડીગાર્ડ પણ હાજર હતા, વીડિયો થયો વાઇરલ
  
  
  
• કપલ સપ્ટેમ્બરમાં તેના પ્રથમ બાળકની અપેક્ષા રાખી રહ્યા છે
• વીડિયોમાં બંને લંડનના એક કેફેમાંથી એકબીજાનો હાથ પકડીને બહાર નીકળતા જોવા મળે છે

બોલિવૂડનું પાવર કપલ દીપિકા પાદુકોણ અને રણવીર સિંહ આ દિવસોમાં લંડનમાં છે. બંને ત્યાં પોતાનું બેબીમૂન સેલિબ્રેટ કરી રહ્યા છે. સપ્ટેમ્બરમાં માતા-પિતા બનવા જઈ રહેલા કપલનો એક વીડિયો સોશિયલ મીડિયા પર વાઇરલ થયો છે.

વીડિયોમાં બંને લંડનના એક કેફેમાંથી એકબીજાનો હાથ પકડીને બહાર નીકળતા જોવા મળે છે. આ દરમિયાન કપલ સાથે તેમના ત્રણ બોડીગાર્ડ પણ હાજર હતા. આ પ્રસંગે દીપિકા ડેનિમ જીન્સ સાથે બ્લેક કાર્ડિયન પહેરેલી જોવા મળી હતી. આ સાથે તેણે સનગ્લાસ અને સ્નીકર્સ જોડી દીધા. રણવીર બ્લેક એન્ડ વ્હાઇટ પ્રિન્ટેડ શર્ટ અને બ્લેક ટ્રાઉઝરમાં જોવા મળ્યો હતો. ગયા ગુરુવારે જ મુંબઈ એરપોર્ટથી આ કપલ લંડન જવા રવાના થયું હતું. કપલ સપ્ટેમ્બરમાં તેના પ્રથમ બાળકની અપેક્ષા રાખી રહ્યા છે. અભિનેત્રીએ આ વર્ષે ફેબ્રુઆરીમાં સોશિયલ મીડિયા દ્વારા પોતાની પ્રેગ્નન્સીની જાહેરાત કરી હતી. લંડન જવાના એક દિવસ પહેલા જ દીપિકાએ મુંબઈમાં આગામી 'કલ્કિ 2898 એડી'ની પ્રી-રિલીઝ ઈવેન્ટમાં હાજરી આપી હતી.

વર્ક ફ્રન્ટની વાત કરીએ તો દીપિકાની આગામી ફ્લ્મિ 'કલ્કિ 2898 એડી' છે. આમાં તેમની સાથે અમિતાભ બચ્ચન, પ્રભાસ, કમલ હાસન અને દિશા પટની જેવા કલાકારો જોવા મળશે. નાગ અશ્વિન દ્વારા નિર્દેશિત આ ફ્લ્મિ 27 જૂને સિનેમાઘરોમાં રિલીઝ થશે. આ સિવાય અભિનેત્રી રોહિત શેટ્ટીની ફ્લ્મિ 'સિંઘમ અગેઈન'માં પણ જોવા મળશે. રણવીરની અગાઉની ફ્લ્મિ 'રોકી ઔર રાની કી પ્રેમ કહાની' હતી. આ દિવસોમાં તે ફ્રહાન અખ્તરની 'ડોન 3'ની તૈયારીમાં વ્યસ્ત છે. આ સિવાય તે સોની પિક્ચર્સની ફ્લ્મિ 'શક્તિમાન' માટે પણ ચર્ચામાં છે.