60 મહિનાના કરાર કરીને આપવામાં આવેલી આ પ્રોપર્ટી સલમાને 120 કરોડમાં 2012માં ખરીદી હતી
2,140.71 ચોરસ મીટરમાં ફેલાયેલી આ પ્રોપર્ટી લેન્ડક્રાફ્ટ રિટેલ પ્રાઈવેટ લિમિટેડને ભાડે આપી
લેન્ડક્રાફ્ટ રિટેલ કંપની ફૂડ સ્ક્વેર ચેઇન પણ ચલાવે છે
બોલિવૂડ એક્ટર સલમાન ખાને મુંબઈના સાંતાક્રુઝ વિસ્તારમાં આવેલી પોતાની કોમર્શિયલ પ્રોપર્ટી 60 મહિના માટે ભાડે આપી છે. સલમાને 2,140.71 ચોરસ મીટરમાં ફેલાયેલી આ પ્રોપર્ટી લેન્ડક્રાફ્ટ રિટેલ પ્રાઈવેટ લિમિટેડને ભાડે આપી છે. કંપનીએ સલમાનને 5.4 કરોડ રૂપિયા ડિપોઝિટ તરીકે આપ્યા છે. મિલકતમાં નીચેના ગ્રાઉન્ડ ફ્લોર, ગ્રાઉન્ડ ફ્લોર, પ્રથમ અને બીજા માળનો સમાવેશ થાય છે. અગાઉ આ મિલકત ફ્યૂચર ગ્રૂપના ફૂડ હોલ પાસે હતી. આ સ્થળ તેની વિસ્તૃત ખાદ્ય જાતો તેમજ શોપિંગ માટે પ્રખ્યાત હતું. દીપિકા પાદુકોણ, સારા અલી ખાન અને દિશા પટણી જેવા સેલેબ્સ સામાન્ય રીતે અહીં જોવા મળતા હતા. સલમાને પોતે આ પ્રોપર્ટી 2012માં 120 કરોડ રૂપિયામાં માત્ર બિઝનેસ હેતુ માટે ખરીદી હતી. જુલાઈ 2017માં તેણે તેને ફૂડ હોલ લીઝ પર આપ્યો હતો. આ ડીલમાં 5 વર્ષ માટે દર મહિને 80 લાખ રૂપિયા ભાડું નક્કી કરવામાં આવ્યું હતું. આ 5 વર્ષની ડીલ બાદ સલમાને ગ્રૂપ સાથેની ડીલ વધુ બે વર્ષ માટે લંબાવી હતી. આ ડીલમાં પ્રથમ વર્ષનું ભાડું 89.60 લાખ રૂપિયા પ્રતિ માસ અને બીજા વર્ષનું ભાડું 94.08 લાખ રૂપિયા પ્રતિ માસ નક્કી કરવામાં આવ્યું હતું. આ પછી, આ વર્ષે માર્ચમાં સલમાને આ કરાર સમાપ્ત કર્યો. હવે આ જગ્યા લેન્ડક્રાફ્ટ રિટેલ દ્વારા લેવામાં આવી છે. આ જ કંપની ફૂડ સ્ક્વેર ચેઇન પણ ચલાવે છે. આ પ્રાઇમ સ્પેસ માટે કંપની દર મહિને 1 કરોડ રૂપિયાનું ભાડું સલમાનને આપશે.

સલમાન ખાને દર મહિને 1 કરોડના ભાડા પેટે પ્રોપર્ટી આપી