- સંજય દત્તે પોતાના સોશિયલ મીડિયા એકાઉન્ટ પરથી ઘરે આયોજિત પૂજાની તસવીરો શેર કરી
- શ્રાવણ નિમિત્તે મુંબઈમાં પોતાના ઘરે શિવપૂજાનું આયોજન કર્યું હતું
- અભિનેતાએ તેના સોશિયલ મીડિયા એકાઉન્ટ પર પૂજાની કેટલીક તસવીરો શેર કરી છે
બોલિવૂડ એક્ટર સંજય દત્તે શ્રાવણ નિમિત્તે મુંબઈમાં પોતાના ઘરે શિવપૂજાનું આયોજન કર્યું હતું. અભિનેતાએ તેના સોશિયલ મીડિયા એકાઉન્ટ પર પૂજાની કેટલીક તસવીરો શેર કરી છે, જેમાં તે ભોલેનાથની ભક્તિમાં ડૂબેલો જોવા મળે છે. તસવીરોમાં અભિનેતા તેના ઘરની ટેરેસ પર જોવા મળે છે. આ દરમિયાન તેમણે સફેદ કુર્તા-પાયજામા પહેર્યા છે. સંજયે ખૂબ જ વિધિપૂર્વક પૂજા કરી હતી. ફોટામાં તેમની સાથે ઘણા પંડિતો પણ જોવા મળી રહ્યા છે. એક ફોટોમાં સંજુ બાબા ભોલેનાથના શિવલિંગ પર જળ ચઢાવતો જોવા મળ્યો હતો. સોશિયલ મીડિયા પર આ તસવીરો શેર કરતા તેણે કેપ્શનમાં લખ્યું 'આજે અદ્ભુત શિવપૂજા કરી. આભાર @ShriUdayacharyaji. સર્વત્ર શિવ'. સંજય દત્ત 29 જુલાઈએ 64 વર્ષના થઈ ગયા છે. તેમનો જન્મ 29 જુલાઈ 1959ના રોજ થયો હતો. આ ખાસ અવસર પર તેમની પત્ની માન્યતા દત્તે એક વીડિયો શેર કરીને તેમને અભિનંદન પાઠવ્યા હતા. બાબા તેમના જન્મદિવસ પર ઘરની બહાર આવ્યા હતા અને ત્યાં રહેલા તેમના ચાહકો અને મીડિયાના લોકોને પણ મળ્યા હતા. જેનો એક વીડિયો સોશિયલ મીડિયા પર સામે આવ્યો છે.
