શિક્ષણવિદો, સંશોધકો અને રાષ્ટ્રનિર્માણમાં સહભાગી બનેલા મહાનાયકોનું સન્માન શિક્ષણના માધ્યમથી કરવામાં આવે ત્યારે એ અમર બની જતું હોય છે.

ભારતે સી. વી. રામન જેવા નોબલ વિજેતા આપ્યા તો ફ્રાન્સે જ્યોર્જેસ ચર્પાક વિશ્વને આપ્યા છે. બંને મહાન વૈજ્ઞાનિકોને ફિઝિક્સમાં નોબલ વિજેતાનું બહુમાન મળ્યું છે. આ બંને વૈજ્ઞાનિકોનાં નામ બંને દેશોની ગાઢતા વધે તે માટે નિમિત્ત બની ગયાં અને એ પણ શિક્ષણનો સેતુ બન્યાં. ભારત અને ફ્રાન્સ દેશ વચ્ચે એક નવો પથ તૈયાર થાય તે માટે 2013માં ફ્રાન્સના રાષ્ટ્રપતિએ ભારતની મુલાકાત દરમિયાન આ બંને વૈજ્ઞાનિકોના નામે ફેલોશિપ, સ્કોલરશિપ કે એજ્યુકેશન માટે સુવિધા આપવા માટેની વાત કરી. ઈન્ડો ફ્રાન્સ સેન્ટર ફોર ધ પ્રમોશન ઓફ એડવાન્સ્ડ રિસર્ચના માધ્યમથી ભારતના તેજસ્વી, પ્રતિભાશાળી વિદ્યાર્થીઓને શૈક્ષણિક સુવિધાઓ આપવામાં આવી. ભારત સરકારના ડિપાર્ટમેન્ટ ઓફ સાયન્સ એન્ડ ટેક્નોલોજી અને મિનિસ્ટ્રી ઓફ અફેર્સ અને ફ્રાન્સની ફ્રાન્સ એમ્બેસી ઓફ ઈન્ડિયા અંતર્ગત આ ફેલોશિપ આપવામાં આવે છે. ઈચ્છુક ઉમેદવાર નિયમોને આધીન અરજી કરી શકે છે.

જ્યોર્જેસ ચર્પાક અને સી. વી. રામનઃ રિસર્ચ એન્ડ ડેવલપમેન્ટ ફેલોશિપ