સ્થળો ભૂતિયાં હોઈ શકે છે. ભૂતિયા પ્રવાસો પ્રવાસીઓને આત્માઓ સાથે ખભા મિલાવવાની તક પૂરી પાડે છે. પ્રવાસીઓ થોડી ભૂતિયા વાર્તાઓ સાંભળે છે. ભૂત પ્રવાસન સ્થાનો, ઘરોથી લઈને જેલ અને જાહેર ચોક સુધી ગમે ત્યાં જોઈ શકાય છે.
પેરિસના કેટાકોમ્બ્સમાં લાખો માનવહાડકાં છે, જે 18મી અને 19મી સદીમાં શહેરના કબ્રસ્તાનમાંથી કાઢવામાં આવ્યાં હતાં. 6 મિલિયનથી વધુ મૃત પેરિસવાસીઓના અવશેષો ધરાવતું ટનલનું વિશાળ ભૂગર્ભ નેટવર્ક, વિક્ટર હ્યુગોથી ઉમ્બર્ટો ઇકો સુધીના લેખકો માટે પ્રેરણાનો સ્ત્રોત રહ્યું છે અને તે ભૂત શિકારીઓ માટે વિશ્વના ટોચનાં સ્થળોમાંનું એક પણ છે. પેરિસની નીચે મનને મૂંઝવનારું જટિલતાનું એક ટનલ નેટવર્ક છે, જે કુલ આશરે 185 માઇલને આવરી લે છે. જોખમી પરિસ્થિતિઓને કારણે, મોટાભાગની ટનલ જાહેર જનતા માટે બંધ છે, પરંતુ ભયાનકતાનો સ્વાદ ધરાવતા મુલાકાતીઓ કેટાકોમ્બ્સની મુલાકાત લઈ શકે છે.
18મી સદીના અંતમાં કેટાકોમ્બ્સનું નિર્માણ થયું હતું, જ્યારે 10 સદીઓથી વધુ સમયથી ઉપયોગમાં લેવાતા સિમેટિયર ડેસ સેન્ટ્સ-ઇનોસન્ટ્સ શહેર માટે રોગનો સ્રોત બન્યા હતા. 1785માં કબ્રસ્તાનને સાફ કરવામાં આવ્યું હતું, મૃતદેહોને શહેરની બહારના વિસ્તારમાં આવેલી જૂની ખાણોમાં ખસેડવામાં આવ્યા હતા. 18મી સદીના અંતથી 19 મી સદીના મધ્ય સુધી લાખો લોકોનાં હાડકાંને કેટાકોમ્બ્સમાં ખસેડવામાં આવ્યાં હતાં. મૃતકો પ્રત્યેના અપમાનને કારણે, પેરિસના કેટાકોમ્બ્સ પૃથ્વી પરના સૌથી ભૂતિયાં સ્થળોમાંનું એક માનવામાં આવે છે. મુલાકાતીઓએ અદૃશ્ય હાથ દ્વારા સ્પર્શ, અનુસરણનો અનુભવ કર્યાની ફરિયાદ કરી છે અને કેટલાકને તો ગળું દબાવવામાં આવ્યું હોવાની લાગણી પણ થઈ છે.
સવાન્ના ગા-સોરેલ-વીડ હાઉસ ઘોસ્ટ હન્ટર માટે સવાન્નાનું સૌથી મોટું આકર્ષણ છે. દક્ષિણ અમેરિકનનો ઇતિહાસ સમૃદ્ધ છે, પરંતુ સવાન્ના ગા સુંદર, મધ્યમ કદના આ શહેરમાં એક બિનસત્તાવાર કહેવત છે, `સવાન્ના તેના મૃતકો પર બનાવવામાં આવી હતી' કારણ કે શહેરના કેટલાક ભાગો હજારો કબરોવાળાં મોટાં કબ્રસ્તાનોની ટોચ પર બનાવવામાં આવ્યા હતા. કદાચ એટલા માટે જ સવાન્ના ખૂબ જ પેરાનોર્મલ પ્રવૃત્તિ ધરાવે છે તેવું કહેવાય છે. શહેરમાં ભૂત અને ભૂતોની વસ્તી વધુ હોવા પાછળ અન્ય પરિબળો પણ જવાબદાર હોઈ શકે છે. 18મી સદીમાં દેવાદાર વસાહત તરીકે સ્થાપિત થઈ હતી અને અમેરિકન ક્રાંતિ દરમિયાન તે યુદ્ધના મેદાન તરીકે કામ કરતી હતી. સવાન્નામાં એટલા બધાં ભૂત, આત્માઓ અને ભૂતિયા પદાર્થો હોવાનું નોંધાયું છે કે અમેરિકન ઇન્સ્ટિટ્યૂટ ઓફ પેરાસાયકોલોજીએ 2002માં તેને અમેરિકાનું સૌથી ભૂતિયા શહેર નામ આપ્યું હતું. ભૂત હેંગઆઉટ તરીકેની તેની પ્રતિષ્ઠાને કારણે ડઝનેક ભૂતિયા પ્રવાસોનું ઘર છે, જે તમને શહેરના સૌથી ભૂતિયા ભોંયરામાં ઊંડાણમાં લઈ જશે.
લંડનનો વ્હાઇટચેપલ વિભાગ એ છે જ્યાં 1888માં જેક ધ રિપરે પાંચ મહિલાઓની હત્યા કરી હતી, આજે પણ જેઓ આ વાર્તાથી આકર્ષાય છે તેઓ આ વિસ્તારની મુલાકાત લે છે. બ્રિટિશ રાજધાનીમાં ભૂત પ્રવાસોની કોઈ કમી નથી. 1888ના ઓગસ્ટ અને નવેમ્બરની વચ્ચે એક રહસ્યમય હત્યારાએ ખાસ કરીને ભયાનક રીતે સ્ત્રીઓ, બધી વેશ્યાઓની હત્યા કરી હતી. કેટલાક નિષ્ણાતો સૂચવે છે કે સીરિયલ કિલર કાં તો ડૉક્ટર હતો અથવા માનવ શરીરરચનાનું જ્ઞાન ધરાવતો કસાઈ હતો.
લુઇસવિલે ક્યોટોની બહાર સ્થિત વેવરલી હિલ્સ સેનેટોરિયમ દાયકાઓથી ખાલી છે અને તેને યુનાઇટેડ સ્ટેટ્સની સૌથી ભૂતિયાં ઇમારતોમાંની એક માનવામાં આવે છે. આખા વર્ષ દરમિયાન વેવરલી હિલ્સ હિસ્ટોરિકલ સોસાયટી વિવિધ પ્રકારના ભૂત પ્રવાસો ઓફર કરે છે. વધુ ઉત્સાહીઓ માટે કંપની આઠ કલાકની પેરાનોર્મલ તપાસ ઓફર કરે છે, જે મધ્ય રાત્રિથી શરૂ થાય છે અને ફક્ત પુખ્ત વયના લોકો માટે જ ખુલ્લી હોય છે.
આ પ્રવાસો રોમાંચ પૂરું પાડે છે, પણ કેટલાક પ્રવાસીઓ શ્વાસ રૂંધાઇ જવાના, સગર્ભા સ્ત્રીઓ પેટ પર લાત મારી હોવાના અનુભવો વર્ણવે છે. ઘણા પ્રવાસ છોડીને ચાલ્યા જાય છે તો કેટલાક બેભાન સુધ્ધાં થઇ જાય છે.
