જ્વેએક્સેસરીઝ વ્યક્તિની શૈલી અને વ્યક્તિત્વને વ્યક્ત કરવાનું એક સશક્ત માધ્યમ બની ગઈ છે. એક્સેસરીઝની વાત આવે ત્યારે યુવતીઓમાં બ્રેસલેટ હંમેશાં `હોટ ફેવરિટ' રહ્યા છે. કોલેજ જતી યુવતીઓ હોય, ઓફિસ ગોઇંગ વુમન હોય કે પછી કોઈ ખાસ પ્રસંગમાં જવાનું હોય, હાથમાં પહેરેલું એક સુંદર બ્રેસલેટ આખા લુકને એક ક્ષણમાં એલિગન્ટ અને આકર્ષક બનાવી દે છે. ટ્રેન્ડમાં હોય તેવા મુખ્ય બ્રેસલેટ પ્રકારો અને તેને સ્ટાઇલ કરવાની રીતો વિશે વિગતવાર સમજીએ.
ચાર્મ બ્રેસલેટ્સ
સોશિયલ મીડિયા અને જેન-ઝી કલ્ચરમાં ચાર્મ બ્રેસલેટ્સનો ભારે ક્રેઝ છે. આ બ્રેસલેટની ખાસિયત એ છે કે તેમાં યુવતીઓ પોતાની પસંદગીના નાના-નાના સિમ્બોલ્સ જેમ કે દિલ, તારા, બટરફ્લાય, કે ઈનિશિયલ્સ ઉમેરી શકે છે. આ માત્ર એક જ્વેલરી નથી, પરંતુ વ્યક્તિગત લાગણીઓ અને યાદોને રજૂ કરવાની એક પર્સનલાઇઝ્ડ શૈલી છે.
ટેનિસ બ્રેસલેટ્સ : જો ક્લાસિક અને રોયલ લુક પસંદ હોય, તો ટેનિસ બ્રેસલેટ પ્રથમ પસંદગી બને છે. ઝીણા ચમકતા અમેરિકન ડાયમંડ કે સિલિકોન સ્ટોન્સ ધરાવતું આ પાતળું બ્રેસલેટ કોઈ પણ વેસ્ટર્ન કે ઈન્ડો-વેસ્ટર્ન આઉટફિટ સાથે ખૂબ સોબર અને લક્ઝુરિયસ લુક આપે છે.
ઇવિલ આઈ બ્રેસલેટ : હાલમાં નેગેટિવ એનર્જીથી બચાવતા અને સાથે સાથે અત્યંત સ્ટાઇલિશ લાગતા `ઇવિલ આઈ' બ્રેસલેટનો ટ્રેન્ડ ટોપ પર છે. બ્લૂ અને વ્હાઇટ કલરના સ્ટોન કે મકાઈના દાણા જેવી ફિનિશિંગવાળાં આ બ્રેસલેટ્સ ડેઇલીવેર અને કેઝ્યુઅલ લુક માટે યુવતીઓની પહેલી પસંદ છે.
સ્ટેક્ડ અથવા લેયર્ડ બ્રેસલેટ્સ : આજના ફેશન વર્લ્ડમાં એક જ બ્રેસલેટ પહેરવાને બદલે અલગ-અલગ ટેક્સચર અને ડિઝાઇનનાં બે-ત્રણ બ્રેસલેટ્સ એકસાથે પહેરવાનો ટ્રેન્ડ છે. જેમ કે, એક પાતળી ગોલ્ડન ચેઇન સાથે નાનું લેધર કે સ્ટોન બ્રેસલેટ મિક્સ કરીને પહેરવાથી એસ્થેટિક લુક મળે છે.
કફ બ્રેસલેટ્સ : ઓપન-એન્ડ (ખુલ્લા છેડાવાળા) મેટાલિક કફ બ્રેસલેટ્સ ખાસ કરીને ઓફિસવેર અને ફોર્મલ આઉટફિટ્સ સાથે ખૂબ લોકપ્રિય છે. તેમાં બોલ્ડ અને મિનિમલ એમ બંને પ્રકારની ડિઝાઇન્સ યુવતીઓમાં ટ્રેન્ડ કરી રહી છે. તમે ઓવરસાઇઝ્ડ કે બોલ્ડ કપડાં પહેર્યાં હોય, તો સિમ્પલ અને પાતળું બ્રેસલેટ પસંદ કરવું. જ્યારે સાદા કે મિનિમલ આઉટફિટ સાથે સ્ટેટમેન્ટ કે ચંકી બ્રેસલેટ વધુ સારું લાગે છે.
આવી જ પોસ્ટ વાંચવા માટે ક્લિક કરો