શિયાળો આવતાંની સાથે જ અમુક સમસ્યાઓ શરીરમાં આવી જ જતી હોય છે. આ દરેક સમસ્યા કોમન જ હોય છે. ગયા શિયાળે પણ આપણને સતાવી ગઇ હોય અને આ શિયાળાની શરૂઆતથી જ પાછા આપણા શરીરમાં દસ્તક આપવા માંડે. આ કોમન સમસ્યાઓમાં પહેલી સમસ્યા હોઠ ફાટવાની, બીજી ત્વચા ફાટવાની અને ત્રીજી પગની એડીમાં વાઢિયા પડવાની.
ઘણાને વાઢિયા વધારે પ્રમાણમાં પડતા હોય છે, તો ઘણાને ઓછા પડતા હોય છે. જેને વધારે પડતા હોય એમને તો એની અંદરથી લોહી નીકળવાની, બળતરા અને દુખાવો થવાની સમસ્યા પણ સાથે થતી હોય છે. આ બળતરા અને દુખાવો અમુકવાર એટલા વધારે હોય છે કે ચાલવામાં સમસ્યા થાય. એટલે જ શિયાળો શરૂ થાય અને પગમાં વાઢિયા દેખાવા લાગે ત્યારથી જ એની માવજત કરવી જોઇએ, જેથી દુખાવો અતિશય ન થઇ જાય. વાઢિયાને દૂર કરવા શું કરવું એ ઉપાયો જાણી લઇએ.
સામગ્રી: પેટ્રોલિયમ જેલી – અડધી વાટકી, ગ્લિસરીન – 2 ચમચી, જોજોબા તેલ – 5 ટીપાં
બનાવવાની રીત
સૌથી પહેલાં એક ડબ્બીમાં પેટ્રોલિયમ જેલી ભરીને ગરમ પાણીમાં રાખો.
જ્યારે પેટ્રોલિયમ જેલી બરાબર ઓગળી જાય ત્યારે તેને એરટાઈટ કન્ટેનરમાં મૂકી દો.
હવે તેમાં 2 ચમચી ગ્લિસરીન અને જોજોબા તેલનાં થોડાં ટીપાં ઉમેરો અને મિક્સ કરો.
જ્યારે બધી સામગ્રી સારી રીતે મિક્સ થઈ જાય, તેને બંધ કરો અને તેને સ્થિર થવા માટે રાખો.
ક્રીમ સારી રીતે સેટ થઈ ગયા પછી, રાત્રે સૂતા પહેલાં તેને તમારી ફાટેલી હીલ્સ પર લગાવો.
ફાટેલી હીલ્સની સમસ્યા દૂર થયા પછી પણ તમે સોફ્ટ હીલ્સ મેળવવા માટે આ ક્રીમનો ઉપયોગ કરી શકો છો.
પેટ્રોલિયમ જેલી અને ગ્લિસરીન બંનેમાં ભેજયુક્ત ગુણધર્મો છે, જે ડ્રાય અને ફાટેલી સ્કિનને નરમ અને હાઇડ્રેટેડ રાખવામાં મદદ કરે છે.
