knowledge: WhatsApp કે નકામા કોલ-મેસેજથી પરેશાન છો તો અહીં કરો ફરિયાદ

• સ્ક્રીનશોટની મદદથી છેતરપિંડીના પુરાવા અપલોડ કરી શકાશે
  
• કોલ, મેસેજનો સમય, તારીખ અને અન્ય ઉપલબ્ધ માહિતી લખવાની રહેશે
• તમારું નામ અને ફોન નંબર આપવાનો રહેશે

દેશમાં વધી રહેલા ઓનલાઈન કૌભાંડો અને છેતરપિંડીઓની ફરિયાદ કરવા માટે ભારત સરકારે ચક્ષુ પોર્ટલ રજૂ કર્યું છે. આ પોર્ટલ પર, તમે નકલી ફોન કૉલ્સ, વૉટ્સએપ કૉલ્સ અને સંદેશાઓ દ્વારા કોઈપણ પ્રકારની છેતરપિંડી વિશે ફરિયાદ કરી શકો છો. કેન્દ્રીય દૂરસંચાર વિભાગની મદદથી ચક્ષુ પોર્ટલ શરૂ કરવામાં આવ્યું છે. તો જાણો અહીં કેવી રીતે કરી શકશો ફરિયાદ.

ચક્ષુ પોર્ટલ શું છે?

ચક્ષુ પોર્ટલ માત્ર ટેલિકોમ્યુનિકેશન વિભાગની સાઈટ સંચાર સાથી દ્વારા જ એક્સેસ કરી શકાય છે. ચક્ષુ પર શંકાસ્પદ ફ્રોડ કમ્યુનિકેશન રિપોર્ટ સિસ્ટમ આપવામાં આવે છે. જેમાં છેતરપિંડી કરનારાઓના ફોન કે વોટ્સએપ કોલ અને મેસેજની માહિતી આપી શકાય છે. નાગરિકો સ્ક્રીનશોટ જેવા કોઈપણ પ્રકારની છેતરપિંડીના પુરાવા પણ અપલોડ કરી શકશે. તેઓએ કોલ અથવા મેસેજનો સમય, તારીખ અને અન્ય ઉપલબ્ધ માહિતી લખવાની રહેશે. તમારે તમારું નામ અને ફોન નંબર આપવાનો રહેશે. તમારા ફોન નંબર પર OTP મોકલવામાં આવશે, જે જણાવવા પર ફરિયાદ નોંધવામાં આવશે.

ફરિયાદ માટે આ છે કેટેગરી

• બેંક/ વીજળી/ ગેસ/ વીમા પોલિસી વગેરે સંબંધિત KYC.
• સરકારી અધિકારી/ સંબંધીનો ઢોંગ કરવો
• નકલી ગ્રાહક સેવા હેલ્પલાઇન
• ઓનલાઈન નોકરી/ લોટરી/ ગીફ્ટ/ લોન ઑફર્સ
• સેક્સટોર્શન
• બહુવિધ કૉલ્સ / રોબો કૉલ્સ
• શંકાસ્પદ લિંક/ વેબસાઈટ

ફરિયાદ કેવી રીતે કરવી?

• જો તમારી સાથે આવી કોઈ છેતરપિંડી અથવા કૌભાંડ થાય અથવા પ્રયાસ કરવામાં આવે તો https://sancharsaathi.gov.in/sfc/Home/sfc-complaint.jsp પર જાઓ અથવા સીધી આ લિંક પર ક્લિક કરો.
• હવે પ્રથમ વિકલ્પ કોલ, મેસેજ અને વોટ્સએપમાંથી પસંદ કરો કે કયા માધ્યમથી તમારી સાથે છેતરપિંડી થઈ છે.
• તે પછી ઉપર જણાવેલ શ્રેણીઓમાંથી કોઈપણને પસંદ કરો.
• હવે આપેલા વિકલ્પમાં સ્ક્રીનશોટ, ફોટો અથવા વિડિયો અપલોડ કરો.
• તે પછી છેતરપિંડી ક્યારે થઈ તેની માહિતી આપો.
• આ પછી છેતરપિંડી વિગતવાર સમજાવો.
• હવે નામ અને મોબાઈલ નંબર જેવી તમારી અંગત માહિતી આપો.
• આ પછી કેપ્ચા કોડ અને ઓટો કી દાખલ કરીને ફોર્મ સબમિટ કરો.