Elon Musk બનાવી રહ્યા છે ઓપ્ટીમસ રોબોટની મોટી "સેના"!, મનુષ્યો કરતાં 100 ગણી વધુ શક્તિ સાથે કામ કરશે

એલોન મસ્ક અને તેમની ટીમ પાછલા ઘણા સમયથી ઓપ્ટીમસ રોબોટ પર કામ કરી રહી છે. એલોન મસ્કને ઓપ્ટીમસ રોબોટથી આશા છે કે તે મનુષ્યો કરતાં વધુ સારી કામગીરી કરશે.

ઓપ્ટીમસ રોબોટની સેના તૈયાર થશે!

મળતી માહિતી મુજબ એલોન મસ્ક રોબોટ્સની એક "સેના" બનાવી રહ્યા છે અને આ માટે તેઓ આગામી થોડા વર્ષોમાં ઓપ્ટીમસ રોબોટના 1 મિલિયન યુનિટનું ઉત્પાદન કરવા અંગે પણ વિચાર કરી રહ્યા છે. અમેરિકન અબજોપતિ અને ટેસ્લાના સીઈઓ એલોન મસ્ક તરફથી નિવેદન આપવામાં આવ્યું હતું કે ઓપ્ટીમસ ટેસ્લાનો અત્યાર સુધીનો સૌથી મહત્વપૂર્ણ પ્રોજેક્ટ બની શકે છે જેની મદદથી તેઓ એક મોટી રોબોટ આર્મી બનાવવા માંગે છે.

મસ્કને ઓપ્ટીમસ રોબોટથી ઘણી આશા

એલોન મસ્કની આ રોબોટ સેના બનાવવા પાછળની નીતિ અંગે તેમનું માનવું છે કે આ સ્માર્ટ રોબોટ આવનારા સમયમાં દુનિયામાં નવી ક્રાંતિ કરશે. તેમનું માનવું છે કે તેમની આ શોધ આધુનિક દુનિયામાં નવી પ્રગતિના પાયા નાંખશે. મસ્કનું માનવું છે કે આ રોબોટને મનુષ્યો કરતાં પાંચ ગણું વધુ કાર્ય કરવા માટે ડિઝાઇન કરવામાં આવ્યા છે. મસ્કે તેમની કંપનીના બોર્ડ મેનેજમેન્ટ પાસે આ પ્રોજેક્ટ પર કામ આગળ વધારવાની રજા પણ માંગી છે.

ઓપ્ટિમસ પરીક્ષણ તબક્કામાં છે

ઓપ્ટીમસ રોબોટ માનવ જીવનને ખૂબ સરળ કરી શકે એ માટે તૈયાર કરવામાં આવશે. ઓપ્ટિમસને ઉત્પાદન, લોજિસ્ટિક્સ, આરોગ્યસંભાળ અને ઘરગથ્થુ સહાયના મુશ્કેલ કામમાં મદદ કરી શકે એ માટે વિકસાવવામાં આવશે. મસ્કે જણાવ્યું હતું કે આ રોબોટ્સ એવી દુનિયા બનાવી શકે છે જ્યાં ગરીબી નાબૂદ થશે અને દરેકને ઉત્તમ તબીબી સંભાળ મળશે. આ રોબોટ્સ સર્જન તરીકે કામ કરીને મેડિકલ જગતને નવી દિશા આપશે.