Apple-Microsoftને પાછળ મુકી આ કંપની બની દુનિયાની સૌથી મોંઘી કંપની

Nvidia એ એપલ અને માઈક્રોસોફ્ટને પાછળ છોડીને વિશ્વની સૌથી ધનવાન કંપની બનીને ઇતિહાસ રચ્યો છે. ગુરુવારે, Nvidia નું બજાર મૂડીકરણ $3.92 ટ્રિલિયન પર પહોંચી ગયું , જે Apple ના અગાઉના $3.915 ટ્રિલિયનના રેકોર્ડ અને Microsoft ના વર્તમાન $3.7 ટ્રિલિયન કરતાં વધુ છે. આ પહેલી વાર છે જ્યારે Nvidia એ વૈશ્વિક સ્તરે નંબર વન બિરુદ હાંસલ કર્યું છે.

AI રેસમાં Nvidia નો જલવો

આર્ટિફિશિયલ ઇન્ટેલિજન્સની વધતી માંગ Nvidia ને નવી ઊંચાઈઓ પર લઈ ગઈ છે. AI માટે રોકાણકારોનો ઉત્સાહ ચરમસીમાએ છે અને Nvidia આ રેસના સુપરસ્ટાર તરીકે બહાર આવી છે. કંપનીની હાઇ-ટેક ચિપ્સ મોટા AI મોડેલોને તાલીમ આપવામાં મહત્વપૂર્ણ ભૂમિકા ભજવે છે. આ જ કારણ છે કે Microsoft, Amazon, Meta, Alphabet અને Tesla જેવી ટેક જાયન્ટ્સ તેમના AI ડેટા સેન્ટરો માટે Nvidia ના પ્રોસેસર્સ પર આધાર રાખે છે. આ કંપનીઓની માંગને કારણે Nvidia ની ચિપ્સની માંગમાં વધારો થયો છે.

500 અબજથી 4 ટ્રિલિયન સુધી પહોંચી કંપની

2021 માં એક સમયે, Nvidia નું મૂલ્ય 500 અબજ ડોલર જેટલું હતું, પરંતુ માત્ર ચાર વર્ષમાં કંપનીએ આઠ ગણો વધારો નોંધાવ્યો છે અને 4 ટ્રિલિયન ડોલરના આંકડાને સ્પર્શવા માટે તૈયાર છે. આ મૂલ્ય કેનેડા અને મેક્સિકોના શેરબજારના કુલ મૂલ્ય કરતાં પણ વધારે છે. એટલું જ નહીં, Nvidia નું બજાર મૂડીરોકાણ બ્રિટનની બધી લિસ્ટેડ કંપનીઓના કુલ મૂલ્ય કરતાં પણ મોટું થઈ ગયું છે.

શેર વધવાથી રોકાણકારોમાં ઉત્સાહ

ગુરુવારે, Nvidia ના શેરમાં 2.2% નો વધારો જોવા મળ્યો અને તે પ્રતિ શેર $160.6 પર પહોંચી ગયો. આ ઉછાળાથી કંપની તેના અમેરિકન ટેક હરીફો Apple અને Microsoft કરતા આગળ નીકળી ગઈ. ખાસ વાત એ છે કે રાષ્ટ્રપતિ ડોનાલ્ડ ટ્રમ્પની વૈશ્વિક ટેરિફ જાહેરાતો પછી 4 એપ્રિલે શેરબજારમાં આવેલા ઘટાડામાંથી Nvidia એ શાનદાર KCYSK કરી છે. કંપનીના શેર તે સમયે નીચા સ્તરથી 68% થી વધુ ઉછળ્યા છે.