વૈશ્વિક ટેકનોલોજી ક્ષેત્ર અત્યારે એક મોટા પરિવર્તનમાંથી પસાર થઈ રહ્યું છે, પરંતુ આ પરિવર્તન હજારો કર્મચારીઓ માટે આશીર્વાદને બદલે શ્રાપ સાબિત થઈ રહ્યું છે. વર્ષ 2026 ના પ્રથમ પાંચ મહિનામાં જ AI (આર્ટિફિશિયલ ઇન્ટેલિજન્સ) અને ઓટોમેશનને કારણે વિશ્વભરની 106 કંપનીઓમાંથી 93,000 થી વધુ લોકોએ તેમની નોકરી ગુમાવી છે.
મોટી કંપનીઓ અને છટણીનો આંકડો
SaaS સેક્ટરની અગ્રણી કંપની ફ્રેશવર્ક્સ તેના 11% કર્મચારીઓ (અંદાજે 500 લોકો) ને છૂટા કરી રહી છે, કારણ કે તે હવે માનવ શક્તિને બદલે AI નો ઉપયોગ વધારી રહી છે. તેવી જ રીતે, ક્રિપ્ટોકરન્સી એક્સચેન્જ કોઈનબેઝે માર્કેટની અસ્થિરતા અને કાર્યક્ષમતા વધારવા માટે 14% સ્ટાફમાં ઘટાડો કર્યો છે. સોશિયલ મીડિયાની દિગ્ગજ કંપની મેટા (Meta) પણ આ મહિને તેના કુલ કાર્યબળના 10% એટલે કે લગભગ 8,000 કર્મચારીઓની છટણી કરવાની તૈયારીમાં છે.