- સમગ્ર વિશ્વમાં લોકો ચેટિંગ માટે વોટ્સએપનો ઉપયોગ કરે છે
- વોટ્સએપ તેના યુઝર્સની ગોપનીયતા અને સુરક્ષા માટે જાણીતું છે
- આવી ભુલોથી તમારો વોટ્સએપ નંબર પ્રતિબંધિત થઈ શકે છે
સમગ્ર વિશ્વમાં લોકો ચેટિંગ માટે વોટ્સએપનો ઉપયોગ કરે છે. ભારતમાં પણ કરોડો લોકો વોટ્સએપનો ઉપયોગ કરે છે. આ સોશિયલ મીડિયા એપની રુચિ જાળવી રાખવા માટે કંપની સતત નવા ફીચર્સ લાવતી રહે છે. આ સિવાય કંપનીના ઘણા નિયમો અને શરતો છે જેનું યુઝર્સે પાલન કરવાનું હોય છે. જો તમે નાનકડી ભૂલ કરશો તો તમારું WhatsApp એકાઉન્ટ પણ પ્રતિબંધિત થઈ શકે છે. ઘણી વખત લોકો અજાણતામાં એવું કંઈક કરી નાખે છે જે વોટ્સએપની નીતિનું ઉલ્લંઘન થાય છે, જેના પછી તેમનું એકાઉન્ટ પ્રતિબંધિત થઈ જાય છે.
સુરક્ષા માટે વોટ્સએપ ફેવરીટ
વોટ્સએપ તેના યુઝર્સની ગોપનીયતા અને સુરક્ષા માટે ખૂબ જ જાણીતું છે. કંપની ગોપનીયતા અને સુરક્ષાને લઈને ઘણી કાળજી લે છે. જો તમે વોટ્સએપનો ઉપયોગ કરો છો તો તમારે સાવધાની સાથે તેનો ઉપયોગ કરવો જોઈએ. ચાલો જાણીએ એ કઈ ભૂલો છે જેના કારણે તમારો વોટ્સએપ નંબર પ્રતિબંધિત થઈ શકે છે.
આ 5 ભૂલોથી તમારૂ WhatsApp એકાઉન્ટ થશે બેન
- જો તમે WhatsApp ચલાવવા માટે થર્ડ પાર્ટી એપ્સનો ઉપયોગ કરો છો, તો કંપની તમારી વિરુદ્ધ કાર્યવાહી કરી શકે છે. વોટ્સએપ એકાઉન્ટ જીબી વોટ્સએપ, વોટ્સએપ પ્લસ અને વોટ્સએપ ડેલ્ટા જેવી એપ્સનો ઉપયોગ કરવા પર પ્રતિબંધિત છે.
- જો કોઈ અન્ય વ્યક્તિના નંબરની માહિતી સાથે વોટ્સએપ એકાઉન્ટ બનાવવામાં આવ્યું હોય તો કંપની એક્શન પણ લઈ શકે છે. આવા વોટ્સએપ એકાઉન્ટને કાયમી ધોરણે પ્રતિબંધિત કરી શકાય છે. અન્ય કોઈની માહિતી સાથે WhatsApp એકાઉન્ટ બનાવવું સંપૂર્ણપણે ખોટું છે.
- જો તમે કોઈ અજાણ્યા વ્યક્તિને સતત મેસેજ મોકલો છો, તો તમારું એકાઉન્ટ પણ પ્રતિબંધિત થઈ શકે છે. તમારા કોન્ટેક્ટ લિસ્ટમાં ન હોય તેવા નંબર પર વારંવાર મેસેજ મોકલવા એ WhatsAppના નિયમો અને શરતોનું ઉલ્લંઘન છે. તેથી આવા કામ કરવાથી બચવું જોઈએ. કંપની ઓટો-મેસેજ પર પણ કાર્યવાહી કરે છે.
- જો ઘણા લોકોએ તમારા વોટ્સએપ એકાઉન્ટને રિપોર્ટ કરે છે અથવા તેને બ્લોક કરી દીધું છે, તો સમજી લો કે તમારું એકાઉન્ટ જોખમમાં છે. વોટ્સએપ આવા એકાઉન્ટ્સને નકલી અને સ્પામ મેસેજ ફેલાવતા માને છે. જેના કારણે વોટ્સએપ નંબર પણ બ્લોક કરી શકાય છે.
- જો તમે તમારા વ્હોટ્સએપ દ્વારા કોઈને પણ ગેરકાયદે સંદેશાઓ, અશ્લીલ સામગ્રી અથવા ધમકીભર્યા સંદેશાઓ મોકલો છો, તો તમારું એકાઉન્ટ પણ પ્રતિબંધિત થઈ શકે છે. જો તમે કંપનીના નિયમોની વિરુદ્ધ કોઈ ખોટું કરો છો, તો તમારો નંબર પ્રતિબંધિત થઈ શકે છે.
વોટ્સએપ એકાઉન્ટ પર બેન હોય તો શું કરવું?
જો તમને લાગે છે કે વોટ્સએપે તમારા એકાઉન્ટને ખોટા કારણોસર પ્રતિબંધિત કરી દીધું છે, તો તમે તેને એક્ટિવેટ કરવાની વિનંતી કરી શકો છો. આ માટે વોટ્સએપ એપ પર જાઓ અને રિક્વેસ્ટ એ રિવ્યુ ઓપ્શન પર ટેપ કરો. WhatsApp તમારી વિનંતી તપાસશે અને યોગ્ય પગલાં લેશે. તમે એપ પર જઈને રિક્વેસ્ટનું સ્ટેટસ ચેક કરી શકો છો.
