the planetary commander mars transit in Scorpio spiritual
  • Home
  • Astro
  • 5 ડિસેમ્બરે ગ્રહોના સેનાપતિ મંગળ કરશે રાશિ પરિવર્તન, આ જાતકોની કિસ્મત ચમકશે

5 ડિસેમ્બરે ગ્રહોના સેનાપતિ મંગળ કરશે રાશિ પરિવર્તન, આ જાતકોની કિસ્મત ચમકશે

 | 3:26 pm IST
  • Share

  • ગ્રહોના સેનાપતિ મંગળ 5 ડિસેમ્બરે કરશે રાશિ પરિવર્તન

  • સ્વરાશિ વૃશ્ચિકમાં મંગળ કરશે ગોચર

  • મેષ રાશિના લોકો માટે ખૂબ જ ભાગ્યશાળી સાબિત થશે

ગ્રહોના સેનાપતિ મંગળ 5 ડિસેમ્બરે રવિવારે સ્વરાશિ વૃશ્ચિકમાં પ્રવેશ કરશે અને 4 જાન્યુઆરી 2022 સુધી આ જ રાશિમાં રહેશે. વૃશ્ચિકમાં પહેલા જ કેતુ બીરાજમાન છે. આથી મંગળ અને કેતુની યુતિ થશે. જે તમામ રાશિઓને પ્રભાવિત કરશે. આ 5 રાશિને મંગળનુ રાશિ પરિવર્તન શુભ પરિણામ આપશે.

મંગળ મેષ અને વૃશ્ચિક બંનેનો સ્વામી છે. આ કારણે મેષ રાશિના લોકો માટે તે ખૂબ જ ભાગ્યશાળી સાબિત થશે. આ લોકો માટે પારિવારિક સુખ મળશે. આ દરમિયાન ઘણા મોટા કામ પૂરા થઈ શકે છે. કારકિર્દીમાં પણ સારી વૃદ્ધિની અપેક્ષા છે. પરંતુ પૈસાના મામલામાં થોડી સાવધાની રાખવાની જરૂર છે.

મિથુન રાશિના લોકો માટે આ સમય સફળતા અપાવનાર છે. જો તમે કોઈપણ પરીક્ષાની તૈયારી કરી રહ્યા છો, તો પરિણામ તમારી તરફેણમાં આવી શકે છે. મિત્રો અને પરિવારનો સહયોગ મળશે. આત્મનિરીક્ષણ કરીને વિકારો દૂર કરવાની જરૂર છે. ચારે બાજુથી સકારાત્મક પરિણામ મળશે. ડ્રાઇવિંગ કરતી વખતે સાવચેત રહો.

આ પણ વાંચો: આકાશમાં દેખાશે અદ્ભુત નજારો, સુપર ન્યૂ મૂન અને સૂર્ય ગ્રહણ એક સાથે

સિંહ રાશિ પૈસાનું રોકાણ કરવા માટે આ ખૂબ જ સારો સમય છે. પરંતુ મિલકતને લઈને વિવાદની સ્થિતિ આવે તેવી શક્યતા છે, આવી સ્થિતિમાં ધીરજથી કામ કરીશું, તો જ યોગ્ય નિર્ણય લઈ શકશો. આર્થિક સ્થિતિ મજબૂત રહેશે. જો તમે પ્રોપર્ટી ખરીદવાનું વિચારી રહ્યા છો, તો તમને કામમાં સફળતા મળી શકે છે.

ધન રાશિ મુશ્કેલ સમયમાં મિત્રોનો સહયોગ મળશે. આ સમય તમારા કરિયર માટે શુભ છે. પરિવારનો સંપૂર્ણ સહયોગ મળશે. લગ્ન અને ધાર્મિક યાત્રાની પણ સંભાવના છે. જીવનમાં વ્યસ્તતા વધશે. પરંતુ તમને તમારા જીવનસાથીનો સંપૂર્ણ સહયોગ મળશે.

કુંભ રાશિ આત્મવિશ્વાસ વધશે અને તમે કાર્યસ્થળે સારું પ્રદર્શન કરશો. નોકરી બદલવાની સંભાવના છે, આવકમાં જલ્દી વધારો થશે. વેપાર અને ભૌતિક ક્ષેત્રે લાભ થશે સુખમાં વધારો થશે. એકંદરે આ સમય તમારા પક્ષમાં રહેશે. ઘરના સભ્યોને ક્યાંક ફરવા લઈ જઈ શકશો.

નીચે આપેલી લિંક્સ પર ક્લિક કરીને સંદેશ ન્યૂઝ સાથે જોડાઓ.

તમે અમને પર ફોલો કરીને સમાચાર મેળવી શકો છો.

તમારા ફોન પર લેટેસ્ટ ન્યૂઝ અપડેટ્સ સૌથી પહેલા મેળવવા માટે હમણાં જ Sandesh ની મોબાઇલ એપ્લિકેશન ડાઉનલોડ કરો