Travel and Tourism: Visit The Cultural Places Of India
1.6M
1M
1.7M
APPS
  • Home
  • Featured
  • ભારતના આ સાંસ્કૃતિક સ્થળો પર એક વખત ફરવા જવાનો બનાવો પ્લાન, રખડપટ્ટીના શોખીનો માટે છે બેસ્ટ

ભારતના આ સાંસ્કૃતિક સ્થળો પર એક વખત ફરવા જવાનો બનાવો પ્લાન, રખડપટ્ટીના શોખીનો માટે છે બેસ્ટ

 | 5:13 pm IST
  • Share

ભારત વિવધતાથી ભરેલો દેશ છે, અહીં ફરવા માટે દરિયો, રણ, નદી-તળાવ, પહાડો અને બીજી ઘણી જગ્યાઓ છે. ભારતમાં દરેક જગ્યાએ અલગ-અલગ સંસ્કૃતિ જોવા મળે છે. દરેક શહેરની પોતાની ભાષા, સંસ્કૃતિ, અલગ શૈલી છે. તો ચાલો આજે જાણીએ દેશના જુદા-જુદા ભાગોમાં શ્વાસ લેતી સંસ્કૃતિ વિશે –

રાજસ્થાન

દેશના આ રાજ્યમાં પગ મૂકીને તરત જ તમને અહીંની સંસ્કૃતિ જોવા મળી જશે. અહીંના લોકોના પહેરવેશથી લઈને ઘરોના રંગો સુધી, આ રાજ્ય વિશેની દરેક વસ્તુ ખૂબ જ સુંદર છે. અહીં એટલા ઐતિહાસિક મહેલો અને કિલ્લાઓ આવેલા છે કે તમામને એક સાથે જોવાનું મુશ્કેલ છે. જો તમે રાજસ્થાન જાવ તો ચોક્કસપણે દાળ, બાટી, ચુરમા ખાઓ.

લખનઉ

આ શહેરને નવાબોનું શહેર કહેવામાં આવે છે. શહેરની કલા અને સાહિત્યનું વર્ણન શબ્દોમાં કરવું મુશ્કેલ છે. લખનઉનું સ્થાપત્ય, જે દિલ્હી સલ્તનત, મુગલો, નવાબો તેમજ અંગ્રેજોથી ખૂબ પ્રભાવિત રહ્યું છે, જે તેને ભારતનું રોમ બનાવે છે. જો તમે અહીં ફરવા જઇ રહ્યા છો, તો ચોક્કસપણે મુગલાઈ ભોજનનો સ્વાદ ચાખો. અહીં મુલાકાત લેવા માટે બડા ઇમામબારા, રૂમી દરવાજા, બ્રિટિશ રેસિડેન્સી કોમ્પ્લેક્સ જેવા સ્થળો એક્સપ્લોર જરૂર કરવો જોઈએ.

અમૃતસર

અમૃતસર શહેરની સ્થાપના વર્ષ 1574માં થઈ હતી. આ સ્થળ શીખ સંસ્કૃતિનું કેન્દ્ર છે. અહીં સૌથી પ્રસિદ્ધ પ્રવાસન સ્થળો છે ગોલ્ડન ટેમ્પલ, જલિયાંવાલા બાગ અને વાઘા બોર્ડર. જ્યાં એક જગ્યાએ મનને શાંતિ મળશે તો બીજી જગ્યાએ વસાહતીવાદની દુર્દશા જોવા મળશે. અહીં તમે વાઘા બોર્ડરની હવામાં ઉર્જાનો અનુભવ કરશો. આ સિવાય અહીંનું સ્વાદિષ્ટ ભોજન તમને મોહિત કરશે. લસ્સી, અમૃતસરી માછલી, છોલે ભટુરે ખાધા પછી તમને મજા આવી જશે. જો કે, એક દિવસ તમારે સુવર્ણ મંદિરમાં લંગરનો પણ આનંદ માણવો જોઈએ.

કોલકાતા

કોલકાતાને ‘સીટી ઓફ જોય’ કહેવામાં આવે છે, અહીં મળતી મીઠાઈઓથી દરેક વ્યક્તિ વાકેફ છે. આ શહેરને તેના સાંસ્કૃતિક ઇતિહાસને કારણે ભારતની સાંસ્કૃતિક રાજધાની કહેવામાં આવે છે. આ શહેર તેના સમૃદ્ધ સાહિત્ય માટે જાણીતું છે. અહીં ફરવા માટે વિક્ટોરિયા મેમોરિયલ, સાયન્સ સિટી, હાવડા બ્રિજ અને અન્ય ઘણા સ્થળો છે. આ શહેર કોઈપણ સમયે મુલાકાત લેવા માટે એક સુંદર સ્થળ છે, જો કે કોલકાતામાં દુર્ગા પૂજા એક એવો અનુભવ છે જેને તમે ક્યારેય ભૂલી શકતા નથી.

મૈસુર

કર્ણાટકમાં સ્થિત મૈસુરને કર્ણાટકની સાંસ્કૃતિક રાજધાની કહેવામાં આવે છે. અહીં તમારે મૈસુર પેલેસ, લલિતા મહેલ અને ચામુંડી હિલટોપ ટેમ્પલની મુલાકાત લેવી જોઈએ. વિજયનગર સામ્રાજ્ય પર તમામ સ્થાપત્ય અને ચિત્રોનો ભારે પ્રભાવ છે. દશેરા દરમિયાન મૈસુરની મુલાકાત લેવાની પણ સલાહ આપવામાં આવે છે, કારણ કે આ દિવસે આખું શહેર એકસાથે અનિષ્ટ પર ભલાઈના વિજયની ઉજવણી કરે છે. જો તમે અહીં જાઓ છો, તો મૈસુર પાકનો સ્વાદ લેવાનું ભૂલશો નહીં. તમે અહીં મૈસુર સિલ્ક સાડીની ખરીદી પણ કરી શકો છો.

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandesh ની નવી મોબાઇલ એપ્લિકેશન