Dahod News | દાહોદમાં સામાન્ય વરસાદમાં રોડ રસ્તા ધોવાતા લોકોને હાલાકી

સ્માર્ટ રોડ બનાવાની કામગીરી કરવા માટે દાહોદમાં મેગા ડિમોલેશન પણ કરવામાં આવ્યું હતું અને અંદાજીત 2 વર્ષ પહેલાં રહેણાંક મકાન અને દુકાનોને તોડી પાડવામાં આવ્યા હતા. લોકોને આશા હતી કે ભલે ડિમોલેશન થયું ઘર ,દુકાનો, તૂટી પણ રોડ રસ્તા સારાં મળશે પણ લોકોની આશા પર પાણી ફરી વળ્યું.આજદિન સુધી રોડ ના નામે પ્રજાને માત્ર ખાડાઓનુ સામ્રાજ્ય જ જોવા મળ્યું. હાલ વરસાદી માહોલ જામેલો છે અને આવા વરસાદમાં તંત્ર દ્વારા માટી અને મેટલ પથ્થર થી સમારકામ કરવામાં આવ્યું તેમાં ફરી લોકોને અને વાહન ચાલકોને કાદવ કીચડના કારણે હાલાકી ભોગવવાનો વારો આવ્યો છે. ત્યારે ઝડપથી આ રોડનું સમારકામ થાય તેવી વાહનચાલકોની માગ છે.