સુરતમાં ડિજિટલ એરેસ્ટ કરી ઠગાઈ કરતા યુવકની પોલીસે ધરપકડ કરી છે,હૈદરાબાદનો કોમ્પ્યુટર એન્જિનિયર ઝડપાયો છે અને આ આખું ઓપરેશન સુરત ક્રાઈમે પાર પાડયું છે.ઠગબાજ CBIની ઓળખ આપી રૂપિયા પડાવતો હોવાની વાત સામે આવી છે,સુરત ક્રાઈમ બ્રાન્ચે આરોપી સદ્દીકાર્તિક રેડ્ડીને ઝડપ્યો છે,16 ફેક પાસપોર્ટ મળ્યાનું કહી ધમકી આપી હતી અને આરોપીએ પોતાનું બેન્ક એકાઉન્ટ ભાડે આપ્યું હોવાની વાત સામે આવી છે જેમાં દોઢ લાખ લઇ પોતાનું એકાઉન્ટ ભાડે આપતો હોવાનું પણ ખુલ્યું છે.
તપાસમાં થયા અનેક ખુલાસા
પોલીસની તપાસમાં અનેક ખુલાસા થયા છે જેમાં અઢી મહિનામાં 3.58 કરોડ રૂપિયાના ટ્રાન્ઝેક્શન થયા હોવાની વાત સામે આવી છે,૩૩ વર્ષીય બી.સી.એ. થયેલાં સદ્દીકાર્તિક સદ્દીસુરેન્દ્ર રેડ્ડીની ધરપકડ કરાઈ છે અને પોલીસે આ મામલે વધુ તપાસ હાથધરી છે,આરોપીએ પોતાનું બેંક એકાઉન્ટ ભાડે આપ્યુ હતુ,આરોપી પોતાનું એકાઉન્ટ 19 સપ્ટેમ્બર-2024એ ભાડે આપ્યું હતું,માત્ર અઢી મહિનામાં જ આ બેન્ક એકાઉન્ટમાં ૩.૫૮ કરોડનાં ટ્રાન્ઝેકશ થયા હતા.
ડિજિટલ ધરપકડ શું છે?
ઓનલાઈન છેતરપિંડીના કિસ્સા વધ્યા છે,એમા પણ ડિજિટલ ધરપકડના કિસ્સાઓમાં વધારો થયો છે.સાયબર છેતરપિંડી કરનાર વ્યક્તિ તમને ધરપકડનો ડર બતાવે છે. આમાં તેઓ તમને ઘરમાં કેદ રાખે છે. આવી સ્થિતિમાં, વીડિયો કોલ દરમિયાન, છેતરપિંડી કરનાર તેની પૃષ્ઠભૂમિને પોલીસ સ્ટેશનની જેમ બનાવે છે, આ જોઈને પીડિત ડરી જાય છે અને ડરના કારણે તે તેની વાતોથી પ્રભાવિત થઈ જાય છે.છેતરપિંડી કરનારાઓ જામીન માંગીને તમારી સાથે છેતરપિંડી કરવાનું શરૂ કરે છે. છેતરપિંડી કરનાર પીડિતાને વિડિયો કૉલ છોડવા કે કોઈનો સંપર્ક કરવા દેતો નથી. પીડિતાને તેના જ ઘરમાં ધરપકડ કરવામાં આવે છે, પીડિતાને એવું કહીને ડરાવવામાં આવે છે કે તેના આધાર કાર્ડ, સિમ કાર્ડ, બેંક એકાઉન્ટનો ઉપયોગ કોઈ ગેરકાયદેસર કામ માટે કરવામાં આવ્યો છે. આ બધું થાય પછી તમને ડરાવવાની 'ગેમ' શરૂ થાય છે.
સાયબર સ્કેમર્સ કોઈપણને ફસાવી શકે છે. આને ટાળવા માટે, તમારી અને તમારા ડેટાની સુરક્ષાનું ધ્યાન રાખો
1-કોઈપણ અજાણ્યા સ્ત્રોતમાંથી આવતી કોઈપણ લિંક પર ક્લિક કરવાનું ટાળો.
2-કોઈપણ અજાણ્યા ફોન કોલ પર તમારી વ્યક્તિગત અથવા બેંક વિગતો આપવાનું ટાળો.
3-વ્યક્તિગત ડેટા અને કોઈપણ પ્રકારના ટ્રાન્ઝેક્શન પ્લેટફોર્મ પર મજબૂત પાસવર્ડ રાખો.
4-કોઈપણ તૃતીય પક્ષ એપ્લિકેશન ડાઉનલોડ કરશો નહીં, કોઈપણ બિન-સત્તાવાર પ્લેટફોર્મ પરથી કંઈપણ ઇન્સ્ટોલ કરશો નહીં.
5-તમારા ઉપકરણને અપડેટ રાખો, તમારી બધી એપ્લિકેશનો અપડેટ રાખો.
