[[$googlead]]
હવામાન વિભાગ દ્વારા રાજ્યમાં ભારે વરસાદની આગાહી કરવામાં આવી હતી. જેને લઈને રાજ્યમાં અનેક જિલ્લામાં વરસાદ જોવા મળ્યો હતો. ત્યારે છેલ્લા 24 કલાકમાં પણ રાજ્યમાં અનેક જિલ્લામાં વરસાદી માહોલ જોવા મળ્યો હતો. જેમાં છેલ્લા 24 કલાકમાં 131 તાલુકામાં વરસાદ ખાબક્યો હતો. જેમાં ઉમરપાડામાં સૌથી વધુ 5 ઇંચ વરસાદ જોવા મળ્યો હતો.
વાંસદા ,કપરાડા અને ખેરગામમાં 4.5 ઇંચ વરસાદ જોવા મળ્યો હતો. તો પારડી ,વલ્લભીપુર અને કામરેજમાં 4 ઇંચ વરસાદ ખાબક્યો હતો. ડેડીયાપાડા ,ડોલવણ અને તિલકવાડમાં 3.5 ઇંચ વરસાદ જોવા મળ્યો હતો. તો ઉમરાળા ,ધરમપુર ,બારડોલી અને ચીખલીમાં 3-3 ઇંચ વરસાદ જોવા મળ્યો હતો. સાથે જ વઘઇ અને મહુવામાં 2.5 ઇંચ વરસાદ વરસ્યો હતો.
