સુરતમાં લેબગ્રોન રફની કિંમતમાં ઘટાડો થવા છતાં માગમાં વધારો થયો છે, મહિને અંદાજે 30 થી 40 લાખ કેરેટ રફ હીરા ઇમ્પોર્ટ કરાઈ રહ્યાં છે, મંદીના કારણે રિયલ ડાયમંડના એક્સ્પોર્ટમાં ઘટાડો થયો છે, કિંમત ઘટતા લેબગ્રોન ડાયમંડની માંગ બમણી થઈ છે. એક વર્ષમાં 7,500 કરોડની લેબગ્રોન રફ આયાત કરાઈ છે, જેને લીધે પોલિશ્ડ લેબગ્રોન ડાયમંડની ડિમાન્ડ મુજબ એક્સપોર્ટ કરવા માટે દેશમાં રફ લેબગ્રોન ડાયમંડના ઈમ્પોર્ટમાં વધારો થયો છે.
એપ્રિલ-૨૦૨૪માં ૪૮૯.૯૯ કરોડની લેબગ્રોન ડાયમંડની રફ ઈમ્પોર્ટ થઈ હતી
લેબગ્રોન હીરાની માંગમાં વધારો થતા હીરા વેપારીઓએ લેબગ્રોન હીરાનું રફનું વિદેશમાંથી આયાત કરવી પડે છે. છેલ્લાં 12 મહિનામાં 7486 કરોડ રૂપિયાની લેબગ્રોન હીરાની રફ વિશ્વના અલગ અલગ દેશોમાંથી આયાત કરવામાં આવી છે. લેબગ્રોન હીરો નેચરલ હીરા પર હાવી થઈ રહ્યો હોય તેવો ઘાટ સર્જાયો છે. છેલ્લાં 3 વર્ષમાં નેચરલ કટ એન્ડ પોલિશ્ડ હીરાના એક્સપોર્ટમાં ઘટાડો થયો છે.
