સુરતના સરથાણામાં 2 બુલેટની ચોરી થઈ હોવાની વાત સામે આવી છે, જેમા 5 સેકન્ડમાં પગથી લોક તોડીને બુલેટ ચોરી કરવામાં આવી છે, બુલેટ ચોર્યાની 25 મિનિટમાં અન્ય બુલેટની પણ ચોરી કરવામાં આવી છે, બન્ને બુલેટ ચોરીના CCTV ફૂટેજ સામે આવ્યા અને બુલેટ માલિકને અજાણ્યા નંબરથી ફોન આવ્યો અને ઓનલાઇન રૂ.2500 પણ પડાવવામાં આવ્યા હતા.
સરથાણા પોલીસે ચોરી કરનારની તપાસ શરૂ કરી
સુરતના સરથાણાના યોગીચોક વિસ્તારમાં બુલેટની ચોરી થઈ હોવાની વાત સામે આવી છે, માત્ર પાંચ સેકન્ડમાં જ પગથી લોક તોડીને બુલેટ ચોરી કરીને ફરાર થયો છે, બુલેટ ચોર ખુલ્લેઆમ પોલીસને પડકાર ફેકી રહ્યા છે અને ઉપરાંત બુલેટ માલિકને અજાણ્યા વ્યક્તિનો ફોન પણ આવ્યો હતો અને કહી રહ્યો હતો કે, તમારી બુલેટ છે મને ખબર અને તમારે પાછી જોઈતો હોય તો રૂપિયા આપવા પડશે તેમ કહીને 25 હજાર રૂપિયા પડાવ્યા હતા, હાલ સમગ્ર મામલે સરથાણા પોલીસે ચોરી કરનાર ઇસમની તપાસ શરૂ કરી છે.
