છોટાઉદેપુરમાં બસ પાણીમાં ફસાઇ હોવાની વાત સામે આવી છે, સંખેડા-હાંડોદ રોડ પર બસ ફસાઇ હતી અને એસટી બસ પાણીમાં ફસાતા મુસાફરોનો માંડ-માંડ જીવ બચ્યો હતો. ST બસ અને પ્રાઇવેટ બસ પાણીમાં ફસાઇ હતી તો સ્થાનિકોની મદદથી તમામ મુસાફરોને બહાર કાઢયા હતા. ડ્રાઈવરે જીવના જોખમે બસ પાણીમાં નાખી હતી તેવો આક્ષેપ મુસાફરો કરી રહ્યાં છે.
[[$googlead]]
છોટાઉદેપુરના બોડેલીમાં જળબંબાકાર
છોટાઉદેપુરના બોડેલીમાં જળબંબાકારની સ્થિતિનું નિર્માણ થયું છે, ભારે વરસાદથી બોડેલીમાં પાણી ભરાયા છે અને બોડેલીમાં નદીની જેમ પાણી વહેતું થયું છે, રઝાનગર અને દિવાન ફળિયામાં પાણી ભરાયા છે અને ભારે વરસાદથી હરખલી કોતરમાં પૂરની સ્થિતિ ઉભી થઈ છે, છોટા ઉદેપુરના ક્વાંટમાં ધોધમાર વરસાદ વરસી રહ્યો છે અને રસ્તાઓ પર વરસાદી પાણી વહેતા થયા છે, નીચાણવાળા વિસ્તારમાં પાણી ભરાયા છે.
