ગુજરાતમાં સરકારી નોકરીની તૈયારી કરી રહેલા ઉમેદવારો માટે એક ખૂબ જ મોટા અને રાહતરૂપ સમાચાર સામે આવ્યા છે. ગુજરાત જાહેર સેવા આયોગ (GPSC) દ્વારા વિવિધ સરકારી વિભાગોમાં ખાલી પડેલી જગ્યાઓ ભરવા માટે મેગા ભરતીની જાહેરાત કરવામાં આવી છે. GPSC દ્વારા કુલ 67 જુદા જુદા વિભાગોમાં 378 જગ્યાઓ માટે ભરતી કરવા અંગેની સત્તાવાર જાહેરાત કરવામાં આવી છે. આ જાહેરાતને પગલે સરકારી નોકરી મેળવવાની ઈચ્છા રાખતા લાખો ઉમેદવારોને મોટી તક મળી છે.
ઉમેદવારી પત્રો ભરવાની શરૂઆત આવતીકાલથી થશે
GPSC ના નોટિફિકેશન મુજબ, આ ભરતી માટેના ઉમેદવારી પત્રો ભરવાની શરૂઆત આવતીકાલથી થઈ જશે.ઉમેદવારોએ નિર્ધારિત સમય મર્યાદામાં ઓનલાઈન અરજી કરવાની રહેશે. ઉમેદવારી પત્ર ભરવાની અંતિમ તારીખ 13 ડિસેમ્બર નક્કી કરવામાં આવી છે. ઉમેદવારોએ છેલ્લી ઘડીની રાહ જોયા વિના વહેલી તકે અરજી પૂર્ણ કરી લેવી હિતાવહ છે. આ ભરતી પ્રક્રિયામાં લાયકાત અને અન્ય વિગતો સંબંધિત માહિતી GPSC ની સત્તાવાર વેબસાઇટ પર ઉપલબ્ધ કરવામાં આવી છે. ઉમેદવારોને ભરતી સંબંધિત સંપૂર્ણ વિગતો જાણ્યા બાદ જ અરજી કરવા અપીલ કરવામાં આવે છે.
