હળવદના કડીયાણા ગામ નજીક એક ગંભીર અકસ્માત સર્જાયો છે, જેમાં એક કાર નર્મદાની બ્રાન્ચ કેનાલમાં ખાબકી હતી. સદનસીબે, કાર ચાલકનો સ્થાનિક લોકોની સમયસૂચકતાથી આબાદ બચાવ થયો છે.
શું બની ઘટના?
મળતી માહિતી મુજબ, આ ઘટના કડીયાણા ગામ નજીક આવેલા નર્મદા કેનાલના પુલ પર બની હતી. એક કાર ચાલક ત્યાંથી પસાર થઈ રહ્યો હતો ત્યારે અચાનક સામેથી એક બાઈક આવી ગયું હતું. બાઈકચાલકને બચાવવાના પ્રયાસમાં કારચાલકે સ્ટેરિંગ પરથી કાબૂ ગુમાવ્યો હતો અને કાર સીધી કેનાલમાં ખાબકી હતી.
ચાલકનો જીવ બચ્યો
કાર પાણીમાં પડતા જ આસપાસના સ્થાનિક લોકો ઘટનાસ્થળે દોડી આવ્યા હતા. તેમણે સમયનો બગાડ કર્યા વગર તાત્કાલિક બચાવ કામગીરી શરૂ કરી હતી. સ્થાનિકોએ ભેગા મળીને કારમાં ફસાયેલા ચાલકને બહાર કાઢ્યો હતો અને તેનો જીવ બચાવ્યો હતો. આ ઘટનામાં કારને ભારે નુકસાન થયું છે, પરંતુ ચાલકને કોઈ ગંભીર ઈજા પહોંચી નથી.
