રાજકોટ મહાનગરપાલિકામાં ડીઝલ ખરીદીનો મુદ્દો ફરી ચર્ચામાં આવ્યો છે. કોર્પોરેશન દ્વારા વપરાતા ડીઝલના વધતા ખર્ચને લઈને તંત્રમાં ચિંતા વ્યક્ત કરવામાં આવી રહી છે. માહિતી મુજબ મહાનગરપાલિકા દ્વારા ઉપયોગમાં લેવાતા પંપને હાલ બજારભાવથી વધુ દરે ડીઝલ મળતું હોવાથી દૈનિક ખર્ચમાં નોંધપાત્ર વધારો થઈ રહ્યો છે. કોર્પોરેશનના અધિકારીઓના જણાવ્યા મુજબ અગાઉની તુલનામાં ડીઝલના દરોમાં થયેલા ફેરફારને કારણે કામગીરીના કુલ ખર્ચ પર સીધી અસર પડી છે.
IOCના બજારભાવે ડીઝલ આપતા ખર્ચ વધ્યો
ખાસ કરીને સફાઈ, વાહન વ્યવહાર અને અન્ય નાગરિક સેવાઓ માટે વપરાતા ઇંધણના ખર્ચમાં વધારો નોંધાયો છે. આ મુદ્દો હવે સ્ટેન્ડિંગ કમિટીમાં પણ ચર્ચામાં આવ્યો છે. સ્ટેન્ડિંગ કમિટીએ ઠરાવ કરીને સંબંધિત વિભાગને ડીઝલ ખરીદીની સમગ્ર વ્યવસ્થામાં ફેરફાર કરવાની ભલામણ કરી છે. કન્ઝ્યુમર પંપ વ્યવસ્થામાં સુધારા કરીને વધુ પારદર્શક અને ખર્ચ ઘટાડતી પદ્ધતિ અપનાવવાની તૈયારી વ્યક્ત કરવામાં આવી છે. અધિકારીઓનું કહેવું છે કે IOCના બજારભાવ મુજબ ડીઝલ ખરીદવામાં આવતાં ખર્ચમાં વધારો થયો છે. મહાનગરપાલિકા હવે વિકલ્પિક વ્યવસ્થા પર વિચાર કરી રહી છે જેથી દૈનિક કામગીરીના ખર્ચમાં ઘટાડો કરી શકાય.
