હવામાન વિભાગે રાજ્યમાં સાર્વત્રિક વરસાદની આગાહી કરી હતી. અનેક જિલ્લામાં વરસાદી માહોલ છવાયેલો જોવા મળી રહ્યો છે. ત્યારે રાજ્યમાં અનેક જિલ્લામાં વરસાદ જોવા મળ્યો હતો. ત્યારે સાબરકાંઠામાં પણ વહેલી સવારથી જ ધોધમાર વરસાદ શરૂ થઈ ગયો હતો. ત્યારે સાબરકાંઠાના અનેક વિસ્તારોમાં વરસાદી પાણી ભરાય ગયા હોવાનું પણ જાણવા મળ્યું હતું. સવારથી અત્યાર સુધીમાં સાબરકાંઠામાં 4 ઇંચ જેટલો વરસાદ વરસી ચૂક્યો છે.
સાબરકાંઠામાં મેઘરાજા મહેરબાન
સાબરકાંઠાના અનેક વિસ્તારોમાં ધોધમાર વરસાદ જોવા મળ્યો હતો. વહેલી સવારથી જ સાબરકાંઠામાં મેઘરાજા મહેરબાન જોવા મળી રહ્યા હતા. ત્યારે પ્રાંતિજના સલાલ, અમિનપુર, વદરાડ, પાલીસના, ઉંછા, લીમલા, રામપુરા, ઘડી, તલોદના ઉજેડીયા, વક્તાપુર, ખેરોલ, વાવડી, હરસોલ, પુંસરી અને રોજડમાં વરસાદ જોવા મળ્યો હતો.
રાજ્યમાં સાર્વત્રિક વરસાદની આગાહી
હવામાન વિભાગ દ્વારા રાજ્યમાં સાર્વત્રિક વરસાદની આગાહી કરવામાં આવી છે. જેમાં અનેક જિલ્લાઓમાં ભારે વરસાદની આગાહી કરવામાં આવી છે. સાથે જ હવામાન વિભાગ દ્વારા અનેક જિલ્લામાં જરૂરી એલર્ટ પણ જાહેર કરવામાં આવ્યા છે. આજે રાજ્યમાં હવામાન વિભાગની આગાહી અનુસાર સાર્વત્રિક મેઘમહેર જોવા મળી શકે છે.
