29 જૂન 2024ની તારીખ ભારતીય ટીમ માટે ઈતિહાસના પાનામાં નોંધાયેલી છે. પરંતુ 4 જુલાઈનો દિવસ પણ વર્ષો સુધી યાદ રહેશે. જ્યારે ટીમ ઈન્ડિયા ટ્રોફી સાથે દિલ્હી ઉતરી ત્યારે તેનું જોરદાર સ્વાગત કરવામાં આવ્યું. જ્યારે ટીમ ઈન્ડિયા મુંબઈ પહોંચી તો અહીં એક અલગ જ દ્રશ્ય જોવા મળ્યું. 5 વાગ્યાની સાથે જ લાખો ફેન્સ મુંબઈના મરીન ડ્રાઈવ પર પહોંચ્યા અને વાનખેડે સ્ટેડિયમ પણ ખીચોખીચ ભરેલું જોવા મળ્યું. ભારતીય ટીમનું પણ એરપોર્ટ પર ભવ્ય સ્વાગત કરવામાં આવ્યું હતું.
ટીમ ઈન્ડિયાના મુંબઈ એરપોર્ટ પર ઉતરતા જ ટીમ ઈન્ડિયાના પ્લેનને વોટર કેનન સેલ્યૂટ આપવામાં આવી હતી. આ પછી જ્યારે ભારતીય ટીમ પ્લેનમાંથી ઉતરી ત્યારે દિલ્હીની જેમ મુંબઈમાં પણ ભારતીય ટીમનું ભવ્ય સ્વાગત કરવામાં આવ્યું હતું. ખેલાડીઓ આ ક્ષણને એન્જોય કરતા જોવા મળ્યા હતા. મુંબઈ એરપોર્ટ પર ટી20 વર્લ્ડકપની ટ્રોફી હાર્દિક પંડ્યા જોડે જોવા મળી.
