રાજ્યમાં છેલ્લા કેટલાક દિવસોથી જામેલા ધોધમાર વરસાદી માહોલ બાદ હવે મેઘરાજાએ વિરામ લીધો છે અને વરસાદનું જોર ઘટ્યું છે. હવામાન વિભાગ દ્વારા કરવામાં આવેલી તાજી આગાહી અનુસાર, આગામી સાત દિવસ દરમિયાન રાજ્યમાં ભારે વરસાદની શક્યતા નહિવત છે અને માત્ર સામાન્યથી હળવો છૂટોછવાયો વરસાદ જ જોવા મળશે.
હાલ રાજ્ય પર 2 વરસાદી સિસ્ટમ સક્રિય
હવામાન તંત્રના જણાવ્યા અનુસાર, હાલ રાજ્ય પર 2 વરસાદી સિસ્ટમ સક્રિય છે, પરંતુ તેની તીવ્રતા ઓછી હોવાના કારણે ભારે વરસાદી રાઉન્ડની સંભાવના નથી. જોકે, કેટલાક વિસ્તારોમાં ગાજવીજ અને પવનના ઝાપટાં સાથે હળવો વરસાદ પડી શકે છે.