ગુજરાતમાં ચોમાસાની સ્થિતિ અંગે હવામાન વિભાગ દ્વારા નવી આગાહી જાહેર કરવામાં આવી છે. અરબી સમુદ્ર પરથી આવતા પશ્ચિમી પવનોમાં ભેજનું પ્રમાણ રહેવાના કારણે આગામી દિવસોમાં રાજ્યના વિવિધ વિસ્તારોમાં વરસાદી ઝાપટાં ચાલુ રહેશે. જોકે, હાલ કોઈ મોટી કે મજબૂત સિસ્ટમ સક્રિય ન હોવાથી રાજ્યમાં આ સિઝનમાં અતિભારે કે ધોધમાર વરસાદની શક્યતાઓ નહિવત છે.
સૌરાષ્ટ્ર અને કચ્છના વિવિધ જિલ્લાઓમાં પણ હળવા વરસાદની આગાહી
સૌરાષ્ટ્ર અને કચ્છના વિવિધ જિલ્લાઓમાં પણ હળવા વરસાદની આગાહી કરવામાં આવી છે. કચ્છ, મોરબી, સુરેન્દ્રનગર, રાજકોટ, જામનગર અને દેવભૂમિ દ્વારકા જિલ્લાના કેટલાક સ્થળોએ સામાન્ય વરસાદી ઝાપટાં પડી શકે છે. આ ઉપરાંત, જામનગર, જૂનાગઢ, અમરેલી, ગીર સોમનાથ, ભાવનગર અને બોટાદ પંથકમાં પણ હળવાથી મધ્યમ વરસાદની શક્યતા વ્યક્ત કરાઈ છે.