હમાસનાં આતંકવાદી હુમલામાં 12 બ્રિટિશ નાગરિકોનાં મોત, પાંચ ગુમ

હમાસ દ્વારા ઈઝરાયેલ પર કરવામાં આવી રહેલા હુમલાઓમાં માત્ર ઈઝરાયેલ જ નહીં પરંતુ વિદેશી નાગરિકોને પણ નિશાને રાખવામાં આવ્યા છે. હમાસે આ પહેલા કરેલા હુમલાઓમાં અનેક અમેરિકન નાગરિકોએ પોતાના જીવ ગુમાવ્યા છે. તાજેતરમાં આતંકવાદીઓએ બ્રિટનનાં નાગરિકો પર પણ હુમલો કર્યો છે. ઇઝરાયેલ પર હમાસ દ્વારા કરવામાં આવેલા આતંકવાદી હુમલામાં ઓછામાં ઓછા 12 બ્રિટિશ નાગરિકો માર્યા ગયા હતાં જ્યારે અન્ય પાંચ લોકો હજુ પણ ગુમ છે. જેરુસલેમ પોસ્ટે બ્રિટિશ વડા પ્રધાન ઋષિ સુનાકના પ્રવક્તાને ટાંકીને આ ઘટના અંગેનો અહેવાલ આપ્યો હતો.

પીએમ સુનકે પણ યુકેમાં પેલેસ્ટાઈન તરફી વિરોધની શ્રેણી પછી દેશમાં "સેમેટિઝમ" વિરુદ્ધ મજબૂત અવાજ ઉઠાવ્યો હતો. બ્રિટિશ પીએમે સોશિયલ મિડીયા પર પોસ્ટ કરતાં લખ્યું હતું કે "આ સપ્તાહના અંતમાં અમે અમારા રસ્તાઓ પર ધિક્કાર જોયો. જેહાદની હાકલ માત્ર યહૂદી સમુદાય માટે જ નહીં પરંતુ અમારા લોકશાહી મૂલ્યો માટે પણ ખતરો છે. અમે અમારા દેશમાં ક્યારેય યહૂદીઓનાં વિરોધને સહન કરીશું નહીં. અમે અપેક્ષા રાખીએ છીએ કે પોલીસ ઉગ્રવાદનો સામનો કરવા માટે તમામ જરૂરી પગલાં લેશે. હેડ-ઓન."

ગત સપ્તાહે ઋષિ સુનકે હમાસ દ્વારા કરવામાં આવેલા ઑક્ટોબર 7ના હુમલા પછી ઇઝરાયેલની મુલાકાત લીધી હતી. બ્રિટિશ પીએમે આંતરરાષ્ટ્રીય કાયદા અનુસાર પોતાનો બચાવ કરવાના અને હમાસ સામે લડવાના ઇઝરાયેલના અધિકાર પ્રત્યે યુકેના સમર્થનની ખાતરી આપી હતી. સુનાકે કહ્યું હતું કે "હું બ્રિટિનનાં લોકોની તીવ્ર સંવેદના શેર કરવા માંગુ છું અને ભારપૂર્વક જણાવું છું કે અમે ઇઝરાયેલના આંતરરાષ્ટ્રીય કાયદા અનુસાર પોતાનો બચાવ કરવાના, હમાસની પાછળ જવાના અધિકારને સંપૂર્ણ સમર્થન આપીએ છીએ. અમે એ પણ જાણીએ છીએ કે પેલેસ્ટિનિયન લોકો પણ હમાસનો શિકાર છે." બ્રિટિશ પીએમે ઇઝરાયલના વડા પ્રધાન બેન્જામિન નેતન્યાહુની સાથે જેરુસલેમમાં વડા પ્રધાનના કાર્યાલયમાં તેમની ખાનગી બેઠક પછી સંયુક્ત નિવેદન આપતા જણાવ્યું હતું. તેમની આ મુલાકાત દરમિયાન સુનક ઇઝરાયેલના સમકક્ષ બેન્જામિન નેતન્યાહુ અને ઇઝરાયેલના રાષ્ટ્રપતિ આઇઝેક હરઝોગને પણ મળ્યા હતા. સુનાક સિવાય અન્ય પશ્ચિમી નેતાઓ જેમ કે યુએસ પ્રમુખ જો બિડેન, જર્મન ચાન્સેલર ઓલાફ સ્કોલ્ઝ, ઇટાલિયન વડા પ્રધાન જ્યોર્જિયા મેલોની, ગ્રીક વડા પ્રધાન કિરિયાકોસ મિત્સોટાકિસ અને ડચ વડા પ્રધાન માર્ક રુટ્ટે યુદ્ધ શરૂ થયું ત્યારથી જ ઇઝરાયેલની મુલાકાત લઈ ચૂક્યા છે.