- જાપાનમાં ભૂકંપના જોરદાર આંચકા અનુભવાયા
- જાપાનના સમય અનુસાર 5 ઓક્ટોબરે સવારે 11 વાગ્યે ભૂકંપ આવ્યો
- સાવચેતીના ભાગ રૂપે દરિયાકાંઠાના વિસ્તારોના લોકોને ઉચ્ચ સ્થળોએ ખસી જવાની સલાહ
જાપાનમાં ભૂકંપના જોરદાર આંચકા અનુભવાયા છે. આ ભૂકંપની તીવ્રતા 6.6 હોવાનું કહેવાય છે. આ પછી જાપાની હવામાન એજન્સીએ પણ સુનામીને લઈને ચેતવણી જાહેર કરી છે. જાપાનના સમય અનુસાર 5 ઓક્ટોબરે સવારે 11 વાગ્યે ભૂકંપ આવ્યો હતો.
હવામાન એજન્સીએ જાપાનના ઇઝુ ટાપુ પર 1 મીટર ઊંચા મોજાંની આગાહી કરી છે, જ્યારે પૂર્વમાં ચિબા પ્રીફેક્ચરથી પશ્ચિમમાં કાગોશિમા પ્રીફેક્ચર સુધીના વિસ્તારમાં 0.2 મીટર સુધીના મોજાંની અપેક્ષા છે. સાવચેતીના ભાગ રૂપે દરિયાકાંઠાના વિસ્તારોના લોકોને ઉચ્ચ સ્થળોએ ખસી જવાની સલાહ આપવામાં આવી છે.
