- પેલેસ્ટિનિયન મહિલાનો એક વીડિયો વાયરલ થયો
- ઇઝરાયેલ અને ગાઝામાં તાત્કાલિક યુદ્ધવિરામની હિમાયત કરી
- ગાઝા પર ઈઝરાયેલના હુમલામાં પીડિતાના પરિવારના 68 લોકો માર્યા ગયા
જેઓ પોતાના પ્રિયજનોને ગુમાવી રહ્યા છે તેઓ જ જાણે છે કે ઇઝરાયેલના હુમલા કેટલા ભયાનક છે. પેલેસ્ટિનિયન મહિલાનો એક વીડિયો વાયરલ થઈ રહ્યો છે. જેમાં મહિલા મેસેચ્યુસેટ્સના અમેરિકી સેનેટર એલિઝાબેથ વોરેન પાસેથી ઈઝરાયેલ-હમાસ યુદ્ધમાં યુદ્ધવિરામની માંગ કરી રહી છે.
બોસ્ટનની એક રેસ્ટોરન્ટમાં પોતાની ઓળખ પેલેસ્ટિનિયન શરણાર્થી તરીકે આપતી એક મહિલા સેનેટર વોરેનને કહી રહી છે કે ગાઝા પર ઈઝરાયેલના હુમલામાં તેના પરિવારના 68 લોકો માર્યા ગયા છે. તે વોરેનને પૂછે છે કે યુદ્ધવિરામ પહેલા કેટલા લોકોને મરવા પડશે?
મારા પરિવારના 68 લોકોના મોત:પીડિત મહિલા
પીડિત મહિલાએ કહ્યું હતું કે હું ગાઝાની શરણાર્થી છું. છેલ્લા ત્રણ અઠવાડિયામાં મારા પરિવારના 68 લોકો આ હુમલામાં માર્યા ગયા છે અને હું માત્ર એ જાણવા માંગુ છું કે યુદ્ધવિરામ પહેલા કેટલા લોકોના મોત થશે.
મહિલા શરણાર્થીએ કહ્યું હતું કે, મારા પરિવારના હજુ કેટલા લોકોએ યુદ્ધવિરામની હાકલ કરવી પડશે? લોકો દરરોજ તમારી ઓફિસમાં ફોન કરીને યુદ્ધવિરામની માંગ કરી રહ્યા છે અને તમે યુદ્ધવિરામની માંગણી કરવાનો ઇનકાર કરી રહ્યા છો.
ઇઝરાયેલ અને ગાઝામાં તાત્કાલિક યુદ્ધવિરામની હિમાયત
હાલમાં પેલેસ્ટાઈન તરફી વિરોધીઓએ બોસ્ટન સિટી હોલની બહાર કૂચ કરી હતી જ્યાં સેનેટર વોરેન હાજર હતા. દેખાવકારોએ તેમને ઇઝરાયેલ અને ગાઝામાં તાત્કાલિક યુદ્ધવિરામની હિમાયત કરવા કહ્યું હતું. અહેવાલ મુજબ, આ ઘટના ત્યારે બની જ્યારે સેનેટર વોરેન સિટી હોલ મેઝેનાઈનમાંથી બહાર નીકળી રહ્યા હતા. એક વિરોધકર્તાએ સેનેટર વોરેનને સીધો સંબોધ્યો ગાઝામાં યુદ્ધવિરામને સમર્થન આપવા વિનંતી કરી હતી.
