થાઈલેન્ડમાં એક સ્કૂલ બસમાં આગ લાગવાથી વિદ્યાર્થીઓ સહિત ઓછામાં ઓછા 25 લોકોના મોતની આશંકા છે. ફાયર બ્રિગેડ અને બચાવ ટીમ ઘટનાસ્થળે છે. માત્ર અધિકારીઓ અને બચાવકર્મીઓએ જ આ માહિતી આપી છે. અકસ્માત દરમિયાન દાઝી જવાથી ઘણા લોકો ઘાયલ પણ થયા છે, જેમને નજીકની હોસ્પિટલમાં દાખલ કરવામાં આવ્યા છે.


સ્થાનિક લોકો પણ બચાવ અને રાહત ટીમમાં જોડાયા

મૃત્યુઆંક વધે તેવી સંભાવના છે. અકસ્માત કયા કારણોસર થયો તે અંગે હજુ સુધી કોઈ ચોક્કસ માહિતી બહાર આવી નથી. આગ ઓલવવામાં અને પીડિતોને મદદ કરવામાં સ્થાનિક લોકો પણ બચાવ અને રાહત ટીમમાં જોડાયા હતા.આગ લાગવાનું કારણ હજુ સુધી બહાર આવ્યું નથી.

દુર્ઘટના બપોરે લગભગ 12.30 વાગ્યે બની

મળતી માહિતી અનુસાર, આ દુર્ઘટના બપોરે લગભગ 12.30 વાગ્યે બની હતી. બસ શાળાની યાત્રા પરથી પરત ફરી રહી હતી. બસમાં 3 થી 15 વર્ષ સુધીના બાળકો હાજર હતા. આ ઉપરાંત તેની સાથે 5 શિક્ષકો પણ મુસાફરી કરી રહ્યા હતા.

આગમાં ઘણા મુસાફરો મૃત્યુ પામ્યા

બેંગકોક પોસ્ટ અનુસાર, બસ ઉથાઈ થાનીની એક શાળાના વિદ્યાર્થીઓને લઈ જઈ રહી હતી. આ દરમિયાન તેમાં આગ લાગી હતી. બચાવ કાર્યકરોએ જણાવ્યું હતું કે આગમાં ઘણા યુવાન મુસાફરો મૃત્યુ પામ્યા હતા અથવા ઘાયલ થયા હતા. 

ઘણા મુસાફરો માર્યા ગયા અને ઘાયલ થયા

મળતી માહિતી અનુસાર, બસ ઉથાઈ થાનીના લાન સાક જિલ્લાના વાટ ખાઓ પ્રયા સંખ્રામથી 38 વિદ્યાર્થીઓ અને છ શિક્ષકોને શૈક્ષણિક સફર પર લઈ જઈ રહી હતી. તેની મંઝિલ ખબર ન હતી. ટ્રાફિક પોલીસ રેડિયોએ જણાવ્યું કે ઘણા મુસાફરો માર્યા ગયા અને ઘણા ઘાયલ થયા.

  • Follow us on: