- ભૂકંપના કાળમાળમાંથી 128 કલાક બાદ બાળકીને બહાર કાઢીને સંભાળ રાખવામાં આવી
- કાટમાળમાંથી 170 કલાક બાદ મહિલાને જીવતી બહાર કાઢવામાં આવી
- બાળકીની સાવચેતી રાખનાર વ્યક્તિની લોકોએ કરી પ્રશંસા
તુર્કી અને સીરિયામાં આવેલા વિનાશક ભૂકંપને કારણે મોટાપાયે વિનાશ થયો છે. ભૂકંપના કારણે મૃત્યુઆંક 34,000ને વટાવી ગયો છે. જો કે મૃત્યુઆંક હજુ વધવાની આશંકા છે. તુર્કીના અંતાક્યામાં રવિવારના વિનાશક ભૂકંપના લગભગ 128 કલાક બાદ ધરાશાયી થયેલી ઈમારતના કાટમાળ નીચે દટાયેલી બે મહિનાની બાળકીને બહાર કાઢવામાં આવી હતી. બાળકના ચહેરા પર ધૂળ અને ગંદકી સાથેના ફોટા અને વીડિયો સોશિયલ મીડિયા પર વાયરલ થઈ રહ્યા છે. એક દિવસ પછી બાળકનો બીજો વીડિયો સામે આવ્યો છે જેમાં બાળકને ખવડાવતા અને સ્નાન કરવામાં આવ્યું છે.
બાળકીનો સોશિયલ મીડિયા પર વીડિયો વાયરલ
એક યુઝરે ટ્વીટર પર ટૂંકો વિડિયો શેર કરતા લખ્યું હતું કે, આ આજના દિવસનો હીરો છે. ભૂકંપના કાળમાળમાંથી 128 કલાક બાદ આ બાળકીને બચાવ્યા બાદ તેની સંભાળ રાખવામાં આવી છે. સ્નાન અને સ્વાદિષ્ટ લંચ પછી સંતુષ્ટ કેપ્શન આપીને આ વીડિયો શેર કરવામાં આવ્યો છે. દુનિયા અનેક લોકો આ વ્યક્તિની પ્રશંસા કરી રહ્યા છે. સાથે જ તેને આજનો સાચો હીરો કહેવામાં આવ્યો છે.
કાટમાળમાંથી મહિલાને જીવતી બહાર કાઢવામાં આવી
તુર્કીમાં ભૂકંપના આંચકા અનુભવાયાના એક સપ્તાહ બાદ સોમવારે બચાવ કાર્યકરોએ ધરાશાયી થયેલી ઇમારતના કાટમાળમાંથી બીજી મહિલાને જીવતી બહાર કાઢી હતી. આ પ્રદેશમાં પ્રથમ બે ભૂકંપના લગભગ 170 કલાક પછી એક મહિલાને જીવતી શોધવી એ કોઈ ચમત્કારથી ઓછું નથી. 40 વર્ષીય સિબેલ કાયાને 170 કલાક બાદ દક્ષિણ ગાઝિઆન્ટેપ પ્રાંતમાં બચાવી લેવામાં આવી હતી.
