- યુદ્ધની સ્થિતિને લઇ અમેરિકાના નાગરિકો માટે એડવાઈઝરી કરી જાહેર
- વિશ્વના અલગ-અલગ દેશોમાં વધી રહેલા ઘર્ષણ અને આતંકી હુમલાઓને લઇ સૂચના
- તણાવ-આતંકવાદી હુમલાઓ વાળા પ્રદેશોમાં પ્રવાસ ટાળવા લોકોને અપીલ
US સ્ટેટ ડિપાર્ટમેન્ટે વિશ્વના અલગ-અલગ ભાગોમાં ચાલી રહેલા તણાવને લઈને પોતાના નાગરિકોને એડવાઈઝરી જારી કરી છે. સ્ટેટ ડિપાર્ટમેન્ટ દ્વારા જારી કરવામાં આવેલી એડવાઈઝરીમાં કહેવામાં આવ્યું છે કે, “વિશ્વના વિવિધ પ્રદેશોમાં વધી રહેલા તણાવ અને આતંકવાદી હુમલાઓને ધ્યાનમાં રાખીને નાગરિકોને યાત્રા ટાળવાની સલાહ આપવામાં આવે છે.
દેશ વિદેશમાં રહેતા અમેરિકાના નાગરિકો માટે એડવાઈઝરી જાહેર કરવામાં આવી છે. US સ્ટેટ ડિપાર્ટમેન્ટ દ્વારા જારી કરવામાં આવેલી એડવાઈઝરીમાં કહેવામાં આવ્યું છે કે, વિશ્વના અલગ-અલગ દેશોમાં વધી રહેલા ઘર્ષણ અને આતંકી હુમલાઓને ધ્યાનમાં લઇને US નાગરિકો પ્રવાસ ન કરવા માટે સલાહ આપવામાં આવી છે. ઉલ્લેખનીય છે કે, 2 અઠવાડિયા પહેલા હમાસના આતંકવાદીઓ દ્વારા ઈઝરાયેલ પર હુમલો કરવામાં આવ્યો હતો. આ હુમલામાં 20થી વધુ અમેરિકન નાગરિકોએ જીવ ગુમાવ્યા છે.
