- સીમાએ ભારતમાં હિન્દુસ્તાન ઝિંદાબાદના નારા લગાવ્યા
- અંજુએ પાકિસ્તાનમાં સ્વતંત્રતા દિવસની કેક કાપી
- મેં મારા ઘરે તિરંગો ફરકાવ્યો હું માત્ર ભારતની છું:સીમા
સીમા હૈદર અને અંજુ આ બંને નામ હાલ ખૂબ ચર્ચામાં છે. ભારત અને પાકિસ્તાનમાં સીમા હૈદર અને અંજુની લવ સ્ટોરીએ નવો ચર્ચા ખોલી છે. સીમા પોતાના પ્રેમી માટે પાકિસ્તાનથી ભારત આવી છે તો અંજુ ભારતથી દુશ્મન દેશ પાકિસ્તાનમાં ગઈ છે. હવે બંનેમાં કોમન વાત પ્રેમ હતી અને બંનેની સ્ટોરી પણ મળતી આવે છે. હવે અંજુએ પાકિસ્તાનનો સ્વતંત્રતા દિવસ સેલિબ્રેટ કર્યો છે. આ સાથે જ સીમાએ ભારતમાં ભારતનો ધ્વજ પણ ફરકાવ્યો હતો અને હિન્દુસ્તાન ઝિંદાબાદના નારા લગાવ્યા હતા.
અંજુએ પાકિસ્તાનમાં આઝાદીની ઉજવણી કરી
એક ન્યૂઝ એજન્સી અનુસાર, અંજુ પાકિસ્તાનના ખૈબર પખ્તુનખ્વા પ્રાંત પહોંચી અને ત્યાં આઝાદીની ઉજવણીમાં ભાગ લીધો હતો. અંજુએ નસરુલ્લાહ સાથે અહીં પાકિસ્તાનની યોમ-એ-આઝાદી (સ્વતંત્રતા દિવસ)ની કેક પણ કાપી હતી. આ દરમિયાન પાકિસ્તાનીન્યૂઝે પણ અંજુનો ઈન્ટરવ્યુ લીધો હતો અને તેને ફાતિમા અને નસરુલ્લાહને તેના પતિ તરીકે સંબોધી હતી. તમને જણાવી દઈએ કે, પાકિસ્તાનમાં 14 ઓગસ્ટના રોજ સ્વતંત્રતા દિવસની ઉજવણી કરવામાં આવે છે. જ્યારે ભારતમાં સ્વતંત્રતા દિવસ 15 ઓગસ્ટે ઉજવવામાં આવે છે.
અંજુએ પાકિસ્તાનના વખાણ કર્યા
જોકે અંજુ ઘણી વખત ઇસ્લામ ધર્મ અપનાવવાની અને નસરુલ્લાહ સાથે લગ્ન કરવાની વાતને નકારી રહી છે પરંતુ અહીં ન્યૂઝ સાથેની વાતચીતમાં તેણે આ અંગે કોઈ વાંધો ઉઠાવ્યો નથી. આ દરમિયાન તેણે પાકિસ્તાનના જોરદાર વખાણ પણ કર્યા હતા. અંજુએ વાતચીતમાં કહ્યું હતું કે, 'હું પાકિસ્તાન આવીને ખૂબ જ ખુશ છું. અહીંના લોકોનું કલ્ચર ઘણું સારું છે. પાકિસ્તાનની મહેમાનગતિ ઘણી સારી છે.
પાકિસ્તાન મુર્દાબાદ: અંજુ
તો બીજી તરફ, જો આપણે સીમા હૈદર વિશે વાત કરીએ, તો તેણે પણ સચિન સાથે રબુપુરા, નોઈડામાં તેના ઘરે ત્રિરંગો ફરકાવ્યો હતો. તેના કપાળ પર જય માતા દી, તિરંગા જેવી સાડી અને ચુન્રી પહેરી હતી. આ દરમિયાન તેમની સાથે 4 બાળકો સચિન, સચિનના પિતા નેત્રપાલ અને વકીલ એપી સિંહ પણ હાજર હતા. સીમા અને તેના બાળકોએ હિન્દુસ્તાન ઝિંદાબાદના નારા લગાવ્યા હતા. પાકિસ્તાન મુર્દાબાદ પણ કહ્યું હતું.
સીમા હૈદરે કહ્યું હતું કે આજે મેં મારા ઘરે તિરંગો ફરકાવ્યો છે અને હવે હું માત્ર ભારતની છું. સીમાએ કહ્યું હતું કે જો મને તક મળશે તો હું ગદર-2 ફિલ્મ જોવા ચોક્કસ જઈશ. આ દરમિયાન સીમા હૈદરે વડાપ્રધાન નરેન્દ્ર મોદી અને મુખ્યમંત્રી યોગી આદિત્યનાથની જયના નારા પણ લગાવ્યા હતા.
સીમા-સચિન લવ સ્ટોરી
તમને જણાવી દઈએ કે, કરાચીમાં રહેતી સીમા હાલ ગ્રેટર નોઈડાના રાબુપુરામાં સચિન મીના સાથે રહે છે. હાલ તેની સામે પોલીસ તપાસ ચાલી રહી છે. ત્યાં સુધી તેને ઘરની બહાર નીકળવાની પરવાનગી નથી. સચિન વિરુદ્ધ સરહદ પર ગેરકાયદેસર રીતે ભારતમાં પ્રવેશવા અને ગેરકાયદેસર ઇમિગ્રન્ટને આશ્રય આપવાનો કેસ નોંધવામાં આવ્યો છે. પોલીસે બંનેને જેલમાં મોકલી દીધા પરંતુ પછી બંનેને જામીન મળી ગયા હતા. બંને વર્ષ 2019માં ઓનલાઈન ગેમ PubG દ્વારા એકબીજાના સંપર્કમાં આવ્યા હતા.
